Fransa uşaqlarını qorumaq üçün radikal addım atdı. Parlamentdə sabaha qədər davam edən marafon iclasda millət vəkilləri sosial media platformalarının uşaqlar üçün yaratdığı təhlükələrə qarşı "dur" deyib. Fransa Parlamenti bazar ertəsi günü 15 yaşından kiçik uşaqların sosial media platformalarından istifadəsini qadağan edən qanun layihəsini böyük səs çoxluğu ilə qəbul edib.

Əmək və əhalinin sosial müdafiəsi naziri Anar Əliyevin əmri ilə Hasil Vasif oğlu Abbasov Nazirliyin tabeliyindəki Dövlət Məşğulluq Agentliyinin İdarə Heyətinin sədri vəzifəsinə təyin olunub. Bu barədə Əmək və Əhalinin Sosial Müdafiəsi Nazirliyi məlumat yayıb.

Avstraliyanın Sidney şəhərində silahlı hücum baş verib. İki naməlum silahlı şəxs Bondi çimərliyində insanlara atəş açıb. Polis hücum edənlərin saxlanılması məqsədilə çimərlik zonasında xüsusi əməliyyat həyata keçirib.

ABŞ, Böyük Britaniya və Avstraliya “nüvə ilə işləyən sualtı gəmi alyansı” kimi tanınan AUKUS ortaq təhlükəsizlik sazişi üzrə işləri sürətləndirməyə qərar verib. ABŞ-ın müdafiə naziri Pit Hegsət, Böyük Britaniyanın müdafiə naziri Con Hili və Avstraliya baş nazir müavini və müdafiə naziri Rişard Marls ABŞ-ın paytaxtı Vaşinqtonda görüşüblər və görüş barədə ortaq açıqlama verilib. Açıqlamaya görə, görüşdə AUKUS sazişinə sadiqliklərini təsdiqləyən nazirlər əməkdaşlığın uzunmüddətli uğur qazanması üçün prosesin sürətləndirilməsi və qısa müddətli hərbi hədəflərə fokuslanmaq barədə razılığa gəliblər.

ABŞ, Kanada və Meksikanın 2026-cı ildə ev sahibliyi edəcəyi dünya çempionatının püşkatma mərasimi keçirilib.

Avstraliyada 16 yaşdan kiçik uşaqların sosial mediaya girişini qadağan edən yeni qaydanın qüvvəyə minməsinə günlər qalmış, ABŞ-ın texnologiya şirkəti Meta, Facebook və İnstagramda təxminən yarım milyon hesabı bağlamağa başlayıb. 10 dekabrda tətbiq olunacaq qadağaya əsasən, Meta noyabr ayında etdiyi açıqlamadan sonra, bu gündən etibarən 16 yaşdan kiçik olduğunu müəyyən etdiyi istifadəçilərin hesablarını deaktiv etməyə başlayıb.

Avstraliyanın xarici işlər naziri Penni Vonq cümə axşamı bildirib ki, ölkəsi İranın “İnqilab Keşikçiləri Korpusunu (SEPAH)” terrorizmi dəstəkləyən qurumlar siyahısına daxil edib. Bu qərar ölkənin kəşfiyyat xidmətinin SEPAH-ın Avstraliyada yəhudilərə qarşı hücumlar planlaşdırdığına dair gəldiyi nəticədən sonra verilib. Avqust ayında Avstraliya hökuməti İranı Sidney və Melburn şəhərlərində törədilən iki antisemit və qəsdən yandırma hücumunu təşkil etməkdə ittiham etmişdi. Rəsmi Kanberra həmin vaxt bu hücumları ölkənin milli təhlükəsizliyinə təhdid kimi qiymətləndirmişdi.

Azərbaycan XİN Türkiyə və Avstraliyanı təbrik edib.

“FIFA series” turniri növbəti dəfə Azərbaycanda təşkil olunacaq. Bu barədə FIFA prezidenti Canni İnfantino sosial şəbəkə hesabında paylaşım edərək məlumat verib. Canni İnfantinonun paylaşımını diqqətinizə çatdırırıq: 2026-cı ilin mart və aprel aylarında beynəlxalq oyunlar pəncərəsi çərçivəsində “FIFA Series” turnirinin ilk genişmiqyaslı təşkilini təsdiqləməkdən məmnunam.

Avstraliyada 16 yaşdan kiçik uşaqlar üçün sosial media qadağasına populyar forum saytı Reddit və canlı yayım platforması Kick də daxil edilib. ABC News-in xəbərinə görə, 10 dekabrdan qüvvəyə minəcək qadağa çərçivəsində indiyə qədər Facebook, X, Snapchat, TikTok, YouTube, Instagram və Threads kimi ümumilikdə yeddi platforma hədəfə alınmışdı.

İstanbul Hava Limanı ilə Avstraliyanın Sidney Hava Limanı arasında “Qardaş Hava Limanı” sazişi imzalanıb. Bu barədə İstanbul Hava Limanının operatoru İGA məlumat yayıb. Saziş çərçivəsində iki hava limanı arasında sərnişin və yük daşımalarının artırılması, hava nəqliyyatı xidmətlərinin inkişaf etdirilməsi və ortaq destinasiya tanıtımı məqsədilə strateji əməkdaşlıq qurulub.

Avstraliya Baş naziri Entoni Albanese ölkəsinin Fələstin Dövlətini tanımaq qərarını bir daha vurğulayıb. Albanese, SBS News-ə verdiyi açıqlamada Avstraliyanın Fələstin Dövlətini tanımaq qərarına münasibət bildirib. “Dünya bu məsələdə (Fələstin Dövlətinin tanınması) açıq və böyük əksəriyyətlə mövqeyini ortaya qoyub. İnsanlar Yaxın Şərqdə sülh, atəşkəs, girovların azad edilməsini və Qəzza xalqına humanitar yardımların çatdırılmasını istəyir.”- deyə qeyd edib. Qeyd edəkk ki, Albanese-nin bu açıqlaması, İsrailin Baş naziri Benyamin Netanyahunun 25 sentyabrda beynəlxalq ictimaiyyətə meydan oxuyaraq Fələstini tanıyan Qərb ölkələrini hədəf almasından sonra gəlib.