BAKI, AzerVoice
İsrail Hərbi Hava Qüvvələri Suriyanın hərbi obyektinə hava hücumu edib.
AzerVoice-un məlumatına görə, İsrailin qırıcı təyyarələri Suriyanın paytaxtı Dəməşqin cənubunda yerləşən əl-Kisva bölgəsində, keçmiş Suriya ordusunun 75-ci briqadasının bazasına raket zərbələri endirib.
Hücumdan sonra Dəməşq və ətraf ərazilərdə güclü partlayış səsləri eşidilib. Bu hadisə bölgədə gərginliyi daha da artırıb.
Xatırladaq ki, bundan əvvəl İsrail ordusunun etdiyi hava hücumları nəticəsində Suriyanın Dəraa vilayətində yerləşən Əd-Cəbiliyyə su anbarı yaxınlığındakı meşəlik ərazidə doqquz mülki şəxs həyatını itirib, bir çoxu isə yaralanıb. Bu qətliamdan sonra bölgədə geniş ictimai səfərbərlik və böyük bir qəzəb dalğası müşahidə olunur.