BAKI,AzerVoice
Azərbaycan Mebel İstehsalçıları Assosiasiyası ilə təşkil edilən görüşdə mebel ixracının potensialının və yeni bazarlara çıxış imkanlarının artırılmasına dair fikir mübadiləsi aparılıb.
AzerVoice xəbər verir ki, bu barədə İxracın və İnvestisiyaların Təşviqi Agentliyinin – AZPROMO-dan məlumat verilib.
AZPROMO-nun dəstəyi və Azərbaycan İxracatçılar Klubunun təşkilatçılığı ilə Azərbaycan Mebel İstehsalçıları Assosiasiyasının və assosiasiyaya üzv şirkətlərin nümayəndələri ilə görüş keçirilib.
Görüş zamanı mebel istehsalı sektorunda ixrac, ixracatçıların üzləşdiyi çağırışlar, həmçinin logistika xərclərinin optimallaşdırılması imkanları müzakirə edilib. Bununla yanaşı, məhsulların ixrac coğrafiyasının genişləndirilməsi ilə bağlı ixrac potensiallı bazarlar nəzərdən keçirilib.
Tədbir çərçivəsində iştirakçılar həmçinin cari ilin iyun ayında Dubay şəhərində keçiriləcək “Index Dubai 2026” interyer dizaynı sərgisi barədə məlumatlandırılıblar.