Bakı. AzerVoice:

Məktəbə erkən başlayan uşaqlarda eyni sinifdəki yaşca böyük digər sinif yoldaşlarına nisbətən diqqət çatışmazlığı və hiperaktivlik pozuntusu (DÇHP) diaqnozunun qoyulma ehtimalı 34 faiz çoxdur.

AzerVoice xəbər veriri ki, bu barədə Harvard Universitetində aparılan bir araşdırmada məlumat verilir. Uşaq bağçası müəlliminiz uşağınızın məktəbə hazır olduğunu söyləyə bilər, lakin bu həmişə doğru olmaya bilər. Çünki məktəbə vaxtından əvvəl başlamaq müvəffəqiyyəti azalda və hətta DÇHP diaqnozu qoyulma ehtimalını da artıra bilər. Bu risk səkkizinci sinfin sonuna qədər davam edir. Məhz buna görə də uşaqları, xüsusən də 6 yaşına çatmamış uşaqları məktəbə göndərməzdən əvvəl iki dəfə düşünmək lazımdır.

Türkiyəli Uşaq və Yeniyetmə Psixiatriya Mütəxəssisi İpek Kuşçu Özücer qeyd edir ki, hətta bir neçə ay belə beyin inkişafı baxımından böyük fərq yarada bilər. İcra funksiyaları adlanan planlaşdırma, təşkilatlanma və özünü idarə etmə bacarıqları altı-yeddi yaşlarında çox böyük dəyişmələr göstərir. Başqa sözlə əl-qolumuzun hərəkətini tormozlamaq, danışa bilməyəcəyimiz yerdə susmaq, qaydalara əməl edilməli olan yerdə istədiyimizi etməkdən çəkindirmək halları bu yaşlarda formalaşıb inkişaf etməyə başlayır. Yaş keçdikcə buradakı ay fərqinin əhəmiyyəti azalır.

Özücer xəbərdarlıq edir ki, 72 aydan əvvəl məktəbə başlamaq əlavə stress yükünə səbəb ola bilər, həmçinin akademik müvəffəqiyyətə və dostluq münasibətlərinə mənfi təsir göstərə bilər. Onun sözlərinə görə, xüsusilə oktyabr, noyabr və dekabr aylarında doğulan uşaqların məktəbə başlama yaşının təxirə salınması daha sağlam inkişaf üçün vacibdir.