ABŞ Prezidenti Donald Tramp administrasiyası yeni milli təhlükəsizlik strategiyasını açıqlayıb. Sənəddə Vaşinqtonun qlobal liderlik rolundan çəkilərək Latın Amerikasında daha sərt mövqe tutacağı və miqrasiyaya qarşı mübarizəni gücləndirəcəyi bildirilib.

Türkiyə enerji təhlükəsizliyini şaxələndirmək məqsədilə Rusiyadan qaz idxalına dair mövcud müqavilələri bir il müddətinə uzadıb və paralel olaraq ABŞ qaz hasilatı sektoruna sərmayə yatırmağı planlaşdırır. Bunu energetika naziri Alparslan Bayraktar İstanbulda jurnalistlərə açıqlamasında bildirib.

Ceyhun Bayramov ATƏT Nazirlər Şurasının iclasında çıxış edib.

Kanada Ukraynaya 143 milyon dollar məbləğində hərbi yardım göstərəcəyini açıqlayıb. Kanada Müdafiə Nazirliyinin açıqlamasında bildirilib. "Kanada, NATO-nun Önəmli Ukrayna Ehtiyacları Siyahısı (PURL) çərçivəsində ABŞ-dan tədarük ediləcək kritik hərbi imkanları əhatə edən paketini alacaq. Kanadanın bu pakətə töhfəsi 200 milyon Kanada dolları (təxminən 143 milyon dollar) olacaq."- deyə açıqlamada bildirilib.

ABŞ Prezidenti Donald Tramp, Qəzzadakı atəşkəs prosesinin davam etdiyini bildirərək “ikinci mərhələnin çox yaxın zamanda həyata keçiriləcəyini” söylədi. ABŞ Prezidenti Tramp, Ağ Evdə keçirdiyi mətbuat konfransından sonra jurnalistlərin gündəmə dair suallarını cavablandırıb. Tramp, Qəzzada ikinci mərhələyə nə vaxt keçiləcəyi ilə bağlı sualı cavablandırarkən prosesin irəlilədiyini vurğulayıb və “İkinci mərhələ çox tezliklə baş tutacaq” deyə qeyd edib. ABŞ Prezidenti həmçinin Qəzzada və Yaxın Şərqdə sülhün olduğunu və bu prosesi 59 ölkənin dəstəklədiyini bildirib, bunun əhəmiyyətli beynəlxalq dəstək olduğunu qeyd edib.

ABŞ Prezidenti Donald Tramp Venesuelaya qarşı narkotiklərlə mübarizə çərçivəsində həyata keçirilən əməliyyatların yaxın vaxtlarda qurudan müdaxilələrlə də genişlənəcəyini bəyan edib. Ağ Evdə keçirdiyi mətbuat konfransından sonra jurnalistlərin suallarını cavablandıran Tramp administrasiyasının Venesuela üzərində təzyiqi artırdığını vurğulayıb.

İsrail Baş naziri Benyamin Netanyahunun hakim koalisiyası çərşənbə günü Knessetdə keçirilən və ABŞ Prezidenti Donald Trampın Qəzza müharibəsinə son qoyan planına dəstək verən səsvermədə iştirak etməyib.

Cənubi Koreya Dövlət Başçısı Li Cae Myonq, ölkəsində istifadə olunmuş nüvə yanacağının yenidən işlənməsi və ya uran zənginləşdirmə fəaliyyəti üçün ortaq müəssisə yaradılması barədə ABŞ Prezidenti Donald Tramp ilə razılığa gəldiklərini bildirib. Cənubi Koreyada nəşr olunan The Chosun Daily qəzetinin məlumatına görə, Li, paytaxt Seulda təşkil edilən mətbuat konfransında, ölkəsinin nüvə sahəsində atdığı addımlar barədə danışıb. Li, Trampın istifadə olunmuş nüvə yanacağının yenidən işlənməsi və ya uran zənginləşdirmə fəaliyyətlərinin Cənubi Koreyada həyata keçirilməsini və bunun üçün iki ölkə arasında 50-50 ortaq müəssisə yaradılmasını təklif etdiyini bildirib.

ABŞ Prezidenti Donald Tramp Tayvanla münasibətlər üçün institusional qaydaları nəzərdən keçirmək və hesabat vermək üzrə Dövlət Departamentinin mövcud öhdəliklərini daimi olaraq genişləndirən Tayvan Təminatının İcrası Qanununu imzalayıb. Ağ Ev Trampın Dövlət Departamentinə Tayvanla rəsmi əlaqələr üçün qaydaları ən azı beş ildən bir nəzərdən keçirməyi tapşıran Tayvan Təminatının İcrası Qanununu imzaladığını açıqlayıb.

İsrail ordusunun Qəzza Zolağında apardığı hücumlar nəticəsində həyatını itirənlərin sayı son 48 saatda 5 nəfər artaraq, ümumilikdə 70 min 117-yə yüksəlib. Qəzza Sağlıq Nazirliyi hücumlar nəticəsində ölən və yaralananlarla bağlı son məlumatları yayıb. Yayılan açıqlamaya görə, son 48 saatda birinin enkaz altından çıxarıldığı 5 Filistinlinin cəsədi və 13 yaralının xəstəxanalara çatdırıldığı bildirilib. Ateşkəsin tətbiqindən sonra isə İsrailin Qəzza Zolağındakı hücumlarında 360 nəfər həyatını itirib, 922 nəfər yaralanıb. Enkazlardan isə 617 cəsədin çıxarıldığı qeyd edilib.

Sudanın Sürətli Dəstək Qüvvələri (RSF) ölkənin cənubunda yerləşən strateji nəqliyyat qovşağı Babanusa şəhərinə tam nəzarət etdiyini açıqlayıb. Qüvvələr bunu Sudanın Qərbi Kordofan əyalətində davam edən müharibənin yeni cəbhə xətti kimi qiymətləndirib.

İsrailin Baş naziri Benyamin Netanyahu İsraillə Suriya arasında mümkün razılaşmanın əldə edilə biləcəyini və Dəməşqdən başlayaraq Hərmon dağının ətəklərinədək uzanan demilitarizasiya olunmuş təhlükəsizlik zolağının yaradılmasını gözlədiyini bildirib.

İsrailin Baş naziri Benyamin Netanyahu ABŞ Prezidenti Donald Tramp tərəfindən yaxın vaxtlarda Ağ Evə dəvət edilib. Bu barədə bazar ertəsi iki lider arasında baş tutan telefon danışığından sonra Baş nazirin ofisi məlumat yayıb.

ABŞ Prezidenti bir il əvvəl Bəşər Əsəd hökumətinin devrilməsindən sonra Şəraanın koalisiyası ilə İsrail arasında təhlükəsizlik sazişi istiqamətində çalışdığını xatırladıb. Lakin İsrailin son aylarda Suriyaya qarşı həyata keçirdiyi yüzlərlə zərbə gərginliyi artırıb. İsrail cümə günü cənubda həyata keçirdiyi və 13 nəfərin öldüyü əməliyyatın “ekstremist qruplaşmanı” hədəf aldığını açıqlayıb.

İsrailin Baş naziri Benyamin Netanyahu uzun illərdir davam edən korrupsiya işi çərçivəsində ölkə prezidentinə əfv müraciəti göndərdikdən sonra bu gün ilk dəfə məhkəmə iclasında iştirak edib. Müraciətə ABŞ Prezidenti Donald Trampın açıq şəkildə dəstək verməsi ölkədə siyasi polemikanı daha da dərinləşdirib.

ABŞ Daxili Təhlükəsizlik naziri Kristi Noem, məhkəmə qərarına baxmayaraq, Venezuelalı miqrantların El Salvadora deportasiyası əmri verdiyini təsdiqləyib.NBC News-un “Meet the Press” proqramına müsahibəsində Noem bildirib ki, deportasiya uçuşlarının davam etdirilməsi qərarı onun öz səlahiyyətindədir. “Noem bildirib ki, deportasiya qərarlarının harada və nə vaxt icra olunacağı Daxili Təhlükəsizlik Nazirliyində mənim səlahiyyətimdədir. Təhlükəli cinayətkarların ölkədən çıxarılmasını təmin etmək üçün doğru olanı etməyə davam edəcəyik”, – deyə o qeyd edib.

İsrailin Baş naziri Benyamin Netanyahu illərdir davam edən korrupsiya məhkəməsi çərçivəsində bazar günü dövlət başçısına rəsmi əfv müraciəti təqdim edib.

Venesuela ABŞ tərəfindən mümkün hücum halında iki fərqli cavab strategiyası hazırlayıb. Məlumata görə, birinci plan ölkə daxilində partizan müqavimətinin təşkilini nəzərdə tutur.

ABŞ prezidenti Donald Trampın administrasiyası Ağ Evin rəsmi saytında virtual rüsvayçılıq (şəxsi nüfuzun sarsılması) lövhəsini yaradıb. Xarici KİV xəbər verir ki, bu barədə Ağ Evin mətbuat katibi Kerolayn Livitt bəyan edib.

ABŞ Prezidenti Donald Tramp Co Baydenin avtomatik qələmlə imzaladığı bütün sənədləri ləğv etdiyini açıqlayıb. O bildirib ki, Bayden dövründə sənədlərin təxminən 92 faizi autopen vasitəsilə imzalanıb və bunun qanunsuz şəkildə həyata keçirildiyini vurğulayıb.

ABŞ Prezidenti Donald Tramp “ABŞ sisteminin tam bərpa oluna bilməsi üçün üçüncü dünya ölkələrindən gələn bütün miqrasiyanı daimi olaraq dayandıracağam” açıqlamasını verib. Tramp, ABŞ mənşəli Truth Social hesabında miqrasiya siyasəti ilə bağlı açıqlama yayımlayıb. ABŞ-ın texnoloji baxımdan inkişaf etmiş olduğunu, lakin miqrasiya siyasətinin bu nailiyyətlərə zərər verdiyini iddia edən Tramp, “ABŞ sisteminin tamamilə yaxşılaşması üçün üçüncü dünya ölkələrindən gələn bütün miqrasiyanı daimi olaraq dayandıracağam” ifadəsini işlədib.

Livan hökumətinə silahın yalnız dövlətin əlində cəmlənməsi ilə bağlı beynəlxalq və regional dəstək mesajları ard-arda gəlməyə başladı. Bu aktiv diplomatik hərəkətlilik ABŞ-dan gələn təbrik teleqramı və arxasınca Misirdən daxil olan dəstəkləyici telefon zəngi ilə başladı. Bütün bunlar göstərir ki, Livan artıq “tarixi bir döngədə” dayanıb və bu mərhələnin həlledici faktoru ölkədəki silahların tam şəkildə dövlətin nəzarətinə verilməsi olacaq.

Beyrutun cənubunda “Hizbullah” komandiri Heysəm əl-Təbtabainin qətlə yetirilməsi bölgədə 2024-cü ilin payız müharibəsi ssenarisinin təkrarlanması qorxularını artırıb. O vaxtkı genişmiqyaslı qarşıdurma İsrailin ardıcıl yüksək səviyyəli hədəflərə yönələn suiqəstləri ilə başlamışdı. Lakin hazırkı regional və beynəlxalq şərait, xüsusilə də Qəzzada ötən ay elan edilən atəşkəs və ABŞ layihəsinin BMT-də qəbul edilməsi fonunda həmin ssenarinin tam şəkildə geri dönməsi ehtimalı daha zəif görünür.

İsrail ordusunun Qəzza zolağında həyata keçirdiyi hücumlarda son 24 saat ərzində 10 fələstinli həyatını itirib. 7 oktyabr 2023-cü ildə başlayan hücumlar nəticəsində ölənlərin ümumi sayı 69 min 785 nəfərə, yaralıların sayı isə 170 min 965 nəfərə yüksəlib. Qəzza Səhiyyə Nazirliyinin yaydığı yazılı açıqlamada bildirilib ki, son sutkada İsrailin hücumları nəticəsində 8-i dağıntılar altından çıxarılan olmaqla ümumilikdə 10 nəfərin cəsədi xəstəxanalara çatdırılıb.