İraqda Nuri əl-Malikinin yeni hökumətin başçısı vəzifəsinə namizədliyi yolu, ölkədəki "İran nüfuzunu zəiflətməyən" bir hökumətin qurulmasına etiraz edən Amerika mesajlarının gəlməsindən sonra iflic vəziyyətinə düşüb. Vaşinqton hazırkı variantları Tehranın yaxınlaşan müharibədən qaçmaq üçün təklif olunan sazişi rədd etməsi kimi qiymətləndirir.

Rəqiblərini və müttəfiqlərini daim intizarda saxlamağa çalışan bir prezident üçün onun xarici siyasətinin indiyə qədərki nəticələri ziddiyyətli olub. Vəzifəyə qayıtdığı ilk ildə beynəlxalq arenada bəzi uğurlar qazansa da, eyni zamanda aşkar uğursuzluqlarla da üzləşib. Ukrayna müharibəsindən tutmuş qlobal gömrük müharibələrinə qədər onun ümumi yanaşmasının uğuru haqqında mülahizə yürütmək hələ tezdir.

Vaşinqton yeni Suriya rəhbərliyinin ölkəni birləşdirmə səylərini dəstəklədiyini açıqlayıb. ABŞ Prezidenti Donald Tramp Dəməşqin Suriya Demokratik Qüvvələrinə qarşı həyata keçirdiyi əməliyyatlardan sonra sahədəki inkişaflardan məmnunluğunu ifadə edərək, Suriya Prezidenti Əhməd əş-Şəraa ilə telefon danışığı apardığını bəyan edib. Məlumata görə, iki lider arasında baş tutan telefon danışığı Əhməd əş-Şəraanın Moskva səfəri ərəfəsində reallaşıb. Qeyd olunur ki, Moskva devrilmiş Suriya Prezidenti Bəşşar əl-Əsədin əsas siyasi dayaqlarından biri olub.

Azərbaycanla Ermənistan arasında sülh sazişinin artıq yaxın aylarda imzalanacağına ümid edirik.

ABŞ prezidenti Donald Trampın “dünyada heç kimdə yoxdur” deyə təqdim etdiyi “Discombobulator” adlı gizli silahın işləmə mexanizmi ilə bağlı yeni detallar ortaya çıxıb. Tramp bu texnologiya barədə ilk dəfə New York Post-a verdiyi müsahibədə danışaraq, Venesuelanın keçmiş lideri Nikolas Maduronun saxlanılması zamanı məhz bu silahdan istifadə edildiyini bildirib. Tramp cihazı “sonik silah” kimi xarakterizə edib və onun texniki xüsusiyyətlərinin məxfi saxlanıldığını vurğulayıb.

21 yanvar 2026-cı ildə ABŞ Prezidenti Donald Tramp Davos Forumundakı çıxışında Hizbullah haqqında qısa, lakin müəmmalı bir mesaj verdi: "Hizbullah ilə bağlı problem var və biz orada nə baş verəcəyini görəcəyik". Bu bəyanat Vaşinqtonun diqqət mərkəzini yenidən Hizbullaha yönəltdi. Hizbullahın baş katibi Naim Qasım isə bir həftə sonra sərt cavab verərək, İrana qarşı hər hansı hücumun bölgəni alovlandıracağını və Ayətullah Əli Xameneiyə qarşı təhdidlərin bölgədəki sabitliyin sui-qəsdi olacağını bildirdi.

ABŞ Prezidenti Donald Tramp İran istiqamətində yeni hərbi donanmanın yola salındığını açıqlayıb. ABŞ prezidenti İranın nüvə potensialı ilə bağlı əvvəlki əməliyyatlara da toxunaraq, 2025-ci ilin iyun ayında həyata keçirilən “Operation Midnight Hammer” əməliyyatı nəticəsində Tehranın nüvə imkanlarının məhv edildiyini deyib.

Yavuz Sultan Səlimin komandanlığı ilə Osmanlı ordusu Qahirəyə daxil oldu.

Danimarkanın baş naziri Mette Frederiksen və Qrenlandiyanın hökumət rəhbəri Yens-Frederik Nilsen Berlində Almaniya kansleri Fridrix Mertslə görüşüblər. Məlumata görə, danimarkalı və qrenlandiyalı liderlər çərşənbə günü Fransa Prezidenti Emmanuel Makronla danışıqlar aparacaq. Görüşlərdə hazırkı beynəlxalq siyasi vəziyyət və Avropanın təhlükəsizlik baxımından daha güclü mövqe tutmasının vacibliyi müzakirə olunacaq.

İranın devrilmiş şahının oğlu Rza Pəhləvi İtaliyanın İslam İnqilabı Keşikçiləri Korpusunun (SEPAH) terror təşkilatı kimi tanınması təşəbbüsünü dəstəklədiyini açıqlayıb. ABŞ-da yaşayan Rza Pəhləvi daha əvvəl hakimiyyətə gələcəyi təqdirdə İsraili tanıyacağını və İranın nüvə proqramını dayandıracağını açıqlamışdı. O, həmçinin İran rəhbərliyinin devrilməsini dəstəkləyən çağırışlar edib və bəzi hallarda ölkəyə zərbələrin endirilməsini müdafiə edib.

ABŞ prezidentinin özü dünən etirazçıların edam edilməsi ehtimalını əsas gətirərək, "hər ehtimala qarşı" İrana "nəhəng donanma" göndərdiyini bildirib. "Hər şey baş verə bilər, amma biz onları çox diqqətlə izləyirik. Heç nə baş verməsini istəmirəm. Bizim ora doğru gedən böyük bir donanmamız var. Və biz bundan istifadə etmək məcburiyyətində qalmayacağıq. Görəcəyik", - deyə prezident Davos forumundan qayıdarkən Air Force One gəmisində xəbərdarlıq edib. Trampın sözlərinə görə, o, son etirazları qəddarcasına yatıran ayətullahlara 800-dən çox nümayişçini assalar, nəticələrlə üzləşəcəklərini çatdırıb. "Mən dedim ki, “Bunu həyata keçirsəniz, əvvəlkindən daha ağır zərbə alacaqsınız. Bu, [2025-ci ilin iyun ayında hava hücumları zamanı> nüvə proqramınıza etdiyimiz şeyləri bir parça tort kimi göstərəcək.” Bu dəhşətli hadisənin baş verməsindən bir saat əvvəl onlar bunu ləğv etdilər — yəni təxirə salmadılar, ləğv etdilər.

Futbol üzrə dünya çempionatının ABŞ-də keçirilməsi beynəlxalq futbol ictimaiyyətində ciddi mübahisələr doğurub. FİFA-nın sabiq prezidenti Zep Blatter Donald Tramp administrasiyasının daxili və xarici siyasətini əsas gətirərək 2026-cı il futbol üzrə dünya çempionatının ABŞ-də keçiriləcək oyunlarının boykot edilməsinə çağırışları dəstəklədiyini açıqlayıb. Blatter bu mövqeyini sosial şəbəkədə paylaşdığı açıqlamada ifadə edib.

ABŞ-ın Paris İqlim Sazişindən çıxmaqla bağlı qərarı 27 yanvar tarixindən etibarən rəsmi qüvvəyə minib. Birləşmiş Ştatların Paris İqlim Sazişindən çıxışı barədə qərar BMT-nin İqlim Dəyişikliyi üzrə Çərçivə Konvensiyasının Katibliyi tərəfindən təsdiqlənib. Qərar ABŞ-ın BMT-yə rəsmi bildiriş təqdim etməsindən bir il sonra qüvvəyə minib. Prezident Donald Tramp müvafiq sərəncamı 2025-ci ilin yanvarında – andiçmə günündə imzalayıb.

İsrail hökuməti ABŞ prezidenti Donald Tramp administrasiyası ilə 10 illik yeni təhlükəsizlik sazişi bağlamaq üçün danışıqlara hazırlaşır. Bu addım İsrailin hərbi dəstəyi uzunmüddətli dövrdə təmin etmək və gələcəkdə ABŞ-ın birbaşa nağd qrantlarından asılılığı azaltmaq strategiyasının bir hissəsidir. İsrail liderləri Trampın prezidentliyi dövründə ABŞ hərbi dəstəyini daha stabil və proqnozlaşdırılan müstəviyə keçirməyi hədəfləyirlər. İsrail rəhbərliyi artıq milyardlarla dollarlıq nağd maliyyə yardımlarının olmadığı bir gələcəyə hazırlaşır, lakin strateji silah və texnoloji dəstəyin davamlılığını təmin etmək istəyir.

Apollon-1 kosmik gəmisi Kennedi kosmik mərkəzində sınaqdan keçirilərkən yandı: astronavtlar Qus Qrissom, Edvard Hiqqins Uayt və Rocer Çeffi həyatını itirdi.

Avropa Birliyi (AB) onilliklərdir davam edən enerji asılılığına son qoyacaq radikal addımı rəsmiləşdirdi. AzerVoice xəbər verir ki, AB Şurası Rusiyadan təbii qazı və mayeləşdirilmiş təbii qaz (LNG) idxalının tamamilə dayandırılması barədə qərarı rəsmən təsdiqlədi.

Kuba Prezidenti Migel Diaz-Kanel bəyan edib ki, əgər Amerika Birləşmiş Ştatları ölkəsinə qarşı hər hansı təcavüzə əl atarsa, bunun Vaşinqton üçün ağır "nəticələri" olacaq. Diaz-Kanel bazar ertəsi yayımlanan televiziya çıxışında qeyd edib ki, "təcavüzün qarşısını almağın ən yaxşı yolu imperializmi ölkəmizə hücum edəcəyi təqdirdə ödəyəcəyi bədəli hesablamağa məcbur etməkdir. Bu isə birbaşa bizim bu cür hərbi əməliyyatlara hazırlıq səviyyəmizlə bağlıdır".

Bilindiyi kimi,İsraildə parlament seçkiləri payızda keçirilməlidir. Lakin əgər parlament (Knesset) 2026-cı ilin dövlət büdcəsini martın 31-nə qədər təsdiqləyə bilməsə, hökumət qanunauyğun olaraq avtomatik şəkildə buraxılacaq. İsrail hökuməti büdcə layihəsini qanunu pozaraq iki aylıq gecikmə ilə Knessetə təqdim edib ki, bu da onun qəbul edilmə şansı ilə bağlı geniş şübhələr yaradır.

ABŞ Prezidenti Donald Tramp Kanadanın Çinlə ticarət sazişi bağlayacağı təqdirdə, ABŞ-a idxal olunan bütün Kanada məhsullarına 100 faiz gömrük rüsumu tətbiq ediləcəyini bəyan edib. Tramp Vaşinqtonun Kanadanın Çin məhsulları üçün ABŞ bazarına alternativ kanal kimi istifadə olunmasına imkan verməyəcəyini vurğulayıb. Onun sözlərinə görə, belə bir addım Amerika iqtisadi təhlükəsizliyinə ziddir və qəti qarşısı alınacaq.

ABŞ hökuməti İtaliyadan Qəzzada vəziyyətin sabitləşdirilməsi və humanitar vəziyyətin yaxşılaşdırılması istiqamətində dəstək göstərməsini xahiş edib. Qərarı İtaliya rəhbərliyi müstəqil şəkildə qəbul edəcək. Hazırda Roma hökuməti Qəzza Sektorunda ABŞ təşəbbüsü ilə yaradılan sülh şurasına qoşulub-qoşulmamağa dair müzakirələr aparır.

ABŞ Prezidenti Donald Tramp cümə günü açıqlayıb ki, ABŞ Vitse-prezidenti JD Vance fevral ayında Ermənistan və Azərbaycana səfər edəcək. Səfərin məqsədi “son sülh təşəbbüslərini davam etdirmək”dir. 2023-cü ildə Azərbaycan tərəfindən nəzarətə alınan Dağlıq Qarabağ bölgəsi ilə bağlı onilliklərdir davam edən münaqişəni başa çatdırmaq üçün Ermənistan və Azərbaycan 2023-cü ilin avqust ayında ABŞ-ın vasitəçiliyi ilə bir sülh sazişi imzalayıblar.

ABŞ Prezidenti Donald Tramp Kanadanın Baş naziri Mark Karninin yeni yaradılan “Sülh Şurası”na qoşulması ilə bağlı dəvətini geri götürüb və bu addım iki ölkə arasında gərginliyi daha da artırıb. Trampın qərarı Karninin Davosda keçirilən Dünya İqtisadi Forumunda ABŞ-ın “Amerika əvvəlcə” siyasətini və qaydalara əsaslanan beynəlxalq nizamın dağıdılmasını açıq şəkildə tənqid etməsindən sonra verilib. Karninin çıxışı Vaşinqtonun yeni xarici siyasət kursuna qarşı açıq çağırış kimi qiymətləndirilib.

ABŞ administrasiyası İranda etiraz aksiyaları zamanı nümayişçilərin öldürülməsini əsas gətirərək Tehranla əlaqəli bir sıra gəmiləri və şirkətləri sanksiya siyahısına daxil etdiyini açıqlayıb. ABŞ Dövlət Departamentinin yazılı bəyanatında bildirilib ki, bu addım İran hakimiyyətinin etirazçılara qarşı təzyiq mexanizmlərini maliyyələşdirmək üçün istifadə etdiyi maliyyə axınlarının kəsilməsi məqsədi daşıyır. Açıqlamaya əsasən, Hindistan, Oman və Birləşmiş Ərəb Əmirlikləri də daxil olmaqla müxtəlif ölkələrdə yerləşən 9 gəmi və onlarla əlaqəli 8 şirkət yüz milyonlarla dollar dəyərində İran nefti və neft məhsullarının xarici bazarlara daşınmasında iştirak edib.

Rusiya Ukrayna və ABŞ-la Abu-Dabidə keçirilən danışıqlarda nəzarətində olmayan ərazilər də daxil olmaqla Donbasın tamamilə ona verilməsində israr edir. Reuters agentliyinin Kremlə yaxın mənbəyə istinadən yaydığı məlumata görə, Moskva danışıqlarda “Ankoric formulu” adlandırılan sxemi irəli sürür. Rusiya tərəfi iddia edir ki, bu yanaşma ötən ilin avqustunda ABŞ Prezidenti Donald Tramp ilə Rusiya Prezidenti Vladimir Putin arasında keçirilmiş sammitdə razılaşdırılıb.