Məkkə şəhərində yerləşən Hira Mədəniyyət Məhəlləsindəki Müqəddəs Quran Muzeyində XVIII əsrə aid olan nadir Müqəddəs Quran əlyazması nümayiş etdirilir. Bu barədə xəbəri Səudiyyə Mətbuat Agentliyi (SPA) yayıb. Sərgilənən əlyazma dövrün Müqəddəs Quranın yazılmasına və bəzədilməsinə göstərilən titiz qayğını, habelə İslam xəttatlığının və nəqqaşlığının incəliyini, gözəlliyini və dəqiqliyini özündə əks etdirir.

Qara mürəkkəblə qələmə alınmış bu əlyazma bir neçə İslam xəttatlıq məktəbinin xüsusiyyətlərini özündə birləşdirir və hattatın bu məktəblərin ayırt edici cəhətlərini tətbiq etməkdə nümayiş etdirdiyi yüksək məharəti göstərir.

Əlyazmadakı dəqiq hərəkələr və diaktrik işarələr əllə yazılmış Quran nüsxələrində dürüstlüyə verilən böyük əhəmiyyəti nümayiş etdirir. Mətnin ilk səhifələrini bəzəyən nəbatı motivlər və mürəkkəb bəzək elementləri isə Quran əlyazmalarının zəngin bədii ənənələrini gözlər önünə sərir.

Bu nadir əlyazma ziyarətçilərə əlyazma Quranların tarixi, ərəb xəttatlığının təkamülü, eləcə də müxtəlif tarixi dövrlərdə Quran nüsnələrinin hazırlanmasında tətbiq edilən bəzək və qızıllama texnikaları ilə yaxından tanış olmaq imkanı yaradır.