BAKI,AzerVoice

Səudiyyə Ərəbistanının vəliəhdi, şahzadə Məhəmməd bin Salman, ABŞ Prezidenti Donald Tramp Krallıq və ABŞ arasındakı investisiya tərəfdaşlığını genişləndirmək istəyini təsdiqləyib. AzerVoice xəbər verir ki, tərəflər arasında baş tutan telefon danışığı zamanı həmçinin Yaxın Şərqdə sülh, təhlükəsizlik və sabitliyi təmin etmək üçün əməkdaşlığın gücləndirilməsini və terrorizmlə mübarizə sahəsində ikitərəfli səyləri müzakirə ediblər.

Səudiyyə vəliəhdi telefon danışığı zamanı, Kral Salman bin Əbdüləzizin şəxsi təbriklərini Trampa çatdırıb və Səudiyyə rəhbərliyinin ABŞ xalqına daha çox tərəqqi və rifah arzularını ifadə edib.

Tərəflər müxtəlif sahələrdə ikitərəfli əlaqələrin gücləndirilməsini müzakirə ediblər. Şahzadə Məhəmməd bin Salman, Tramp administrasiyasının ABŞ-da misli görünməmiş iqtisadi islahatları həyata keçirə biləcəyinə olan inamını ifadə edib.

Məhəmməd bin Salman, Səudiyyə Ərəbistanının bu islahatlardan faydalanmağa və ABŞ ilə investisiya və ticarət tərəfdaşlıqlarını genişləndirməyə ümid etdiyini bildirib. O qeyd edib ki, Səudiyyə Ərəbistanı gələcək dörd il ərzində 600 milyard dollarlıq investisiyalar planlaşdırır və əlavə imkanlar yarandığı halda bu rəqəmi artıra bilər.

Öz növbəsində, ABŞ Prezidenti Səudiyyə Kralı və vəliəhdinə təbriklərinə görə təşəkkür edib və hər iki ölkənin ortaq maraqlarını təmin etmək məqsədilə Səudiyyə Ərəbistanı ilə əməkdaşlığı gücləndirməyə sadiq olduğunu vurğulayıb.