BAKI,VOA
Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev NATO-nun Qafqaz və Mərkəzi Asiya üzrə xüsusi nümayəndəsi Kevin Hamilton görüşüb.
Azərbaycan Prezidentinin köməkçisi bununla bağlı "X" sosial media hesabında yazıb.
Paylaşımda qeyd edilir:
"NATO-nun Qafqaz və Mərkəzi Asiya üzrə xüsusi nümayəndəsi Kevin Hamilton ilə məhsuldar görüşüm oldu. Azərbaycan NATO-nun etibarlı tərəfdaşıdır və əməkdaşlığın müxtəlif sahələrində əhəmiyyətli nəticələr əldə etmişik. Xüsusilə, Azərbaycanla NATO arasında qarşılıqlı fəaliyyətin gücləndirilməsində əldə edilən irəliləyişi qeyd etdik. Həmçinin, Azərbaycan-NATO tərəfdaşlığının müxtəlif aspektləri üzrə məzmunlu müzakirələr apardıq və qarşılıqlı maraq doğuran məsələlər ətrafında fikir mübadiləsi apardıq".