BAKI, AzerVoice, Nailə Babazadə
Türkiyə Prezidenti Rəcəb Tayyib Ərdoğan, Azərbaycanın 27 sentyabr – Anım Günü münasibətilə paylaşım edərək Qarabağ uğrunda canını fəda edən şəhidləri rəhmətlə andı, qazilərə ehtiramını ifadə etdi.
AzerVoice xəbər verir ki, Ərdoğan rəsmi sosial media hesabında etdiyi paylaşımda edib.
“Dostumuz, qardaşımız, Can Azərbaycanın Anım Günündə, böyük bir qəhrəmanlıq nümunəsi göstərərək Qarabağı və işğal altındakı Azərbaycan torpaqlarını azad edən şəhidlərimizi rəhmətlə, qazilərimizi hörmətlə yad edirəm. Qarabağ əbədi olaraq Azərbaycandır.” - deyə qeyd edib.
Xatırladaq ki, Azərbaycan 2020-ci ilin 27 sentyabrında başlanan və 44 gün davam edən Vətən müharibəsində torpaqlarını erməni işğalından azad etmişdi. Hər il bu tarix Anım Günü kimi qeyd olunur.