BAKI, AzerVoice
Çoxsahəli əməkdaşlıq vasitəsilə Pakistan-Azərbaycan əlaqələrinin möhkəmləndirilməsi Pakistan hökumətinin əsas prioritetlərindən biri olaraq qalır.
AzerVoice xəbər verir ki, bu sözləri Pakistan Baş nazirinin müavini və xarici işlər naziri, senator Məhəmməd İshaq Dar İslamabadda keçirilən Azərbaycanla investisiya layihələri təklifləri üzrə nazirlərarası iclasda etdiyi çıxışında deyib.
İclasda kommunikasiya naziri, İnvestisiyalar üzrə Xüsusi Şuranın (SIFC) milli koordinatoru, Maliyyə, Neft, Daxili İşlər, Səhiyyə, Ticarət və Milli Avtomobil Yolları İdarəsi üzrə Federal nazirləri, o cümlədən Xarici İşlər Nazirliyinin yüksək vəzifəli rəsmiləri iştirak ediblər. Forumda müxtəlif istiqamətlər üzrə işlərin gedişatı barədə məlumat verilib.
İshaq Dar, həmçinin, infrastruktur, neft sənayesi, ticarət və informasiya texnologiyaları sahələrinə investisiya qoyuluşu ilə bağlı təkliflərin hazırlanmasını bu il aprelin 3-dək tamamlamağı tapşırıb.