Bakı, AzerVoice

İsrail ordusu Təl-Əviv və HƏMAS arasında məhbus mübadiləsi razılaşmasının yeddinci raundu çərçivəsində bu gün azad edilməli olan fələstinli məhbusların ailələrinə qarşı həbslər və təhdidlər də daxil olmaqla, İordan çayının qərb sahilinin müxtəlif bölgələrində reydlər və hücumlar təşkil edib.

AzerVoice-un məlumatına görə, İsrail əsgərləri azad ediləcək fələstinli məhbusların evlərinə basqın edib, onların ailələrini hədələyib. Onlar Nablus şəhərinin Yasid rayonunda bir evə atəş açıb, daha sonra evdə bir fələstinlini və onun həyat yoldaşını saxlayıb və onların avtomobilini ələ keçirib.

Hadisə şahidləri basqın edilən evin fələstinli məhbus Cihad Meşakiyə aid olduğunu, evin bombardman nəticəsində böyük dağıntılara məruz qaldığını, lakin heç kimin zərər görmədiyini bildiriblər.

İsrail əsgərləri Fələstinli məhbuslar Cavad Cəvariş və Əhməd əl-İzzanın Beytlehemdə və Musa Məhəmməd Abdullah Halayikanın Hebrondakı evlərinə basqın edərək, ailələri heç bir bayram keçirməməklə hədələyiblər.

Qeyd edək ki, bu həftə təhvil verilən 4 israilli məhbusun və bu gün azad edilən 6 israilli məhbusun cəsədləri müqabilində İsrail həbsxanalarında olan 602 fələstinli məhbusun sərbəst buraxılması gözlənilir.