Pakistanın keçmiş Baş naziri İmran Xan həkim komissiyası tərəfindən müayinə olunduqdan sonra sağlam elan edilərək yenidən həbsxanaya göndərilib. Keçmiş hökumət rəhbərinin Pakistan Ədalət Hərəkəti (PTI) partiyası isə xəstəxana ziyarətinin gözləniləndən daha tez başa çatdığını və bu prosesin Ali Məhkəmənin göstərişlərinə zidd olduğunu bəyan edib.

Pakistanın şərqində yerləşən Taksila şəhərində bu həftə naməlum şəxslərin atəş açması nəticəsində pakistanlı "TikTok" ulduzu həyatını itirib. Bu barədə polisə təqdim olunan rəsmi şikayət ərizəsində bildirilir. 28 yaşlı Bibinin atası Fəzəl Sahibzadə şikayət ərizəsində hadisənin 14 avqust tarixində baş verdiyini qeyd edib. Onun sözlərinə görə, ictimaiyyət arasında həm də "Aişə Gilamana" kimi tanınan Bibiyə "Kaşi" ləqəbli Kaşif adlı şəxsdən zəng gəlib və o, qadından dərhal evdən bayıra çıxmasını tələb edib.

Pakistan Ali Məhkəməsi keçmiş baş nazir İmran Xanın səhhəti ilə bağlı narahatlıqlar fonunda onun həbsxanadan xəstəxanaya köçürülməsinə qərar verib. Qərar Xanın ailəsi və Pakistan Ədalət Hərəkatı Partiyasının müraciətlərindən sonra qəbul edilib. Partiyanın sözçüsü Zülfiqar Buxari bildirib ki, Xanın xəstəxanada həkimlərin səhhətindən tam əmin olacağı müddətədək qalması vacibdir.

Türkiyə Prezidenti Rəcəb Tayyib Ərdoğan Misirin Türkiyə, Səudiyyə Ərəbistanı və Pakistan arasında imzalanan qarşılıqlı müdafiə sazişinə qoşula biləcəyini bildirib. Ərdoğan “Əl-Cəzirə”yə müsahibəsində Məkkə Birgə Müdafiə Sazişinin yeni üzvlərin qoşulmasına açıq olduğunu və Qahirənin mümkün iştirakının nəzərdən keçirilən variantlardan biri olduğunu deyib.