BAKI,VOA, Fərid Mikayılov
Özbəkistan beynəlxalq maliyyə qurumları ilə əməkdaşlığını genişləndirir.
VOA xəbər verir ki, Şavkat Mirziyoyev Asiya İnkişaf Bankının illik toplantısında çıxışı zamanı Özbəkistan ilə Asiya İnkişaf Bankı arasında 12 milyard dollarlıq yeni əməkdaşlıq proqramının imzalandığını açıqlayıb.
Onun sözlərinə görə, bu saziş qlobal iqtisadi qeyri-sabitlik fonunda davamlı inkişafın təmin olunmasına yönəlib. Prezident qeyd edib ki, müasir çağırışlar yeni texnologiyaların tətbiqini və iqtisadi alətlərin təkmilləşdirilməsini zəruri edir.
Mirziyoyev bildirib ki, son illər Özbəkistanda genişmiqyaslı islahatlar həyata keçirilib və ölkə iqtisadiyyatına 150 milyard dollar həcmində xarici investisiya cəlb olunub.
O əlavə edib ki, bu dövrdə mal və xidmət ixracı üç dəfə artıb, iqtisadiyyatın ümumi həcmi isə 50 milyard dollardan 147 milyard dollara yüksəlib.