Yunanıstan hökuməti 15 yaşınadək uşaqların sosial media platformalarından istifadəsinin qadağan edilməsi ilə bağlı hazırlıqları yekunlaşdırmaq üzrədir. Rəsmi Afina rəqəmsal mühitdə uşaqların təhlükəsizliyini təmin etmək məqsədilə yeni məhdudiyyətlər üzərində işləyir. Yunanıstanın Rəqəmsal İdarəetmə Nazirliyi tərəfindən hazırlanan layihədə yaşın müəyyən edilməsi üçün mühüm infrastrukturdan istifadə olunacaq. Qeyd olunur ki, 2025-ci ilin noyabr ayından etibarən tətbiq edilən "Kids Wallet" proqramı uşaqların yaşını dəqiq təsdiqləmək üçün lazımi bazanı təmin edir. Bu sistem vasitəsilə platformalara daxil olan istifadəçilərin yaş həddinə uyğun olub-olmadığı yoxlanılacaq.

Fələstin Qızıl Aypara Cəmiyyətinin sözçüsü Raid ən-Nims Rəfah sərhəd keçid məntəqəsi vasitəsilə həyata keçirilməsi planlaşdırılan üçüncü qrup xəstə və yaralıların təxliyəsinin təxirə salındığını elan edib. Sözçü mətbuata verdiyi açıqlamada Qəzza zolağının cənubundakı Xan Yunis şəhərində yerləşən Reabilitasiya Xəstəxanasından xəstələrin çıxarılması prosesinin dayandırılması barədə məlumat aldıqlarını bildirib.

Liviyanın devrilmiş lideri Muəmmər Qəddafinin oğlu Seyfülislam Qəddafi Qərbi Liviyada qətlə yetirilib. Yerli və beynəlxalq mənbələrin yaydığı məlumata görə, hadisə çərşənbə axşamı gecəsi Trablusdan təxminən 136 kilometr cənub-qərbdə yerləşən Zintan şəhərində baş verib. Seyfülislam Qəddafinin ölümünü onun vəkili Xalid əl-Zeydi sosial şəbəkədə paylaşım edərək təsdiqləyib. Lakin vəkil hadisənin detalları barədə açıqlama verməyib. Qəddafini BMT-nin vasitəçiliyi ilə aparılan Liviyadaxili siyasi dialoq prosesində təmsil etmiş Abdullah Osman Abdurrahim də ölüm faktını təsdiqləyərək, hadisənin sui-qəsd xarakteri daşıdığını bildirib.

ABŞ-ın Afrika Komandanlığının (AFRICOM) komandanı general Daqvin Anderson Nigeriyaya kiçik bir hərbi qrupun göndərildiyini açıqlayıb. Bu barədə məlumat ABŞ Dövlət Departamentinin rəsmi internet saytında yer alıb. General Anderson ötən il Romada keçirilən tədbir çərçivəsində Nigeriya Prezidenti Bola Ahmed Tinubu ilə görüşdüyünü xatırladıb. Komandanın sözlərinə görə, həmin görüşdə tərəflər regionda təhlükəsizlik sahəsində birgə fəaliyyət göstərmək və əməkdaşlıq etmək barədə razılığa gəliblər.

ABŞ Prezidenti Donald Tramp ilə ölkənin vitse-prezidenti Cey Di Vens qalmaqallı maliyyəçi Ceffri Epşteyn işi ilə bağlı fərqli mövqelər nümayiş etdirirlər. Məlumata görə, Tramp hesab edir ki, ABŞ ictimaiyyəti artıq Epşteyn mövzusundan uzaqlaşmalı və “başqa məsələlərlə məşğul olmalıdır”.

ABŞ və İran rəsmiləri arasında cümə günü keçirilməsi planlaşdırılan görüşün yeri və formatı ilə bağlı mühüm iddialar ortaya atılıb. "Axios" xəbər platformasının adını açıqlamayan rəsmi mənbələrə istinadən verdiyi məlumata görə, İran tərəfi müzakirələrin keçiriləcəyi məkanın və formatın dəyişdirilməsini tələb edib.

İran tərəfi Avropa İttifaqının (Aİ) İslam İnqilabı Keşikçiləri Korpusunu (SEPAH) terror təşkilatları siyahısına daxil etmək qərarına sərt reaksiya verib. İran mətbuatında yer alan xəbərlərə görə, ölkənin Xarici İşlər Nazirliyi etiraz əlaməti olaraq Aİ-yə üzv ölkələrin Tehrandakı bütün səfirlərini nazirliyə çağırıb. Səfirlərlə bazar və bazar ertəsi günləri keçirilən görüşlərdə Avropa İttifaqının qəbul etdiyi qərar qətiyyətlə pislənilib. Nazirlik rəsmiləri bildiriblər ki, SEPAH-ın terror siyahısına salınması beynəlxalq hüquq normalarına və Birləşmiş Millətlər Təşkilatının (BMT) nizamnaməsinə tamamilə ziddir. Görüşdə bu addımın İran xalqına qarşı təhqir kimi qiymətləndirildiyi vurğulanıb.

Kuba hökuməti bazar ertəsi AFP-yə verdiyi açıqlamada ABŞ Prezidenti Donald Tramp administrasiyası ilə "ünsiyyətdə" olduqlarını, lakin rəsmi danışıqların hələ başlamadığını bildirib. Xarici işlər nazirinin müavini Karlos Fernandez de Kossio müsahibəsində qeyd edib ki, hazırda tərəflər arasında tammiqyaslı dialoqdan söz açmaq mümkün olmasa da, iki hökumət arasında müəyyən əlaqə kanalları mövcuddur. Bu açıqlama Donald Trampın bazar günü verdiyi bəyanatdan sonraya təsadüf edir. Tramp ABŞ-ın Kubanın "ən yüksək səviyyəli rəsmiləri" ilə danışıqlar apardığını və tezliklə bir razılaşma əldə olunacağını gözlədiyini iddia etmişdi. De Kossio isə ölkəsinin humanitar böhranın qarşısını almaq üçün dialoqa hər zaman açıq olduğunu təkrar vurğulayıb.

Fransa martın 5-də Prezident Emmanuel Makronun sədrliyi ilə Livan Silahlı Qüvvələrinə dəstək məqsədilə keçiriləcək beynəlxalq konfransın uğuruna ümid edir. Fransız rəsmilərinin gözləntilərinə görə, görüşdə 50-yə yaxın ölkənin və 10-dan çox beynəlxalq və regional təşkilatın nümayəndəsi iştirak edəcək. Bu geniş tərkib beynəlxalq birliyin Livan ordusunun gücləndirilməsinə verdiyi əhəmiyyətin göstəricisi hesab olunur.

İran Prezidenti Məsud Pezeşkian ABŞ ilə müzakirələrin bərpası məqsədilə xarici işlər naziri Abbas Əraqçiyə müvafiq tapşırıq verdiyini açıqlayıb. Pezeşkian özünün "X" sosial media hesabından mövzu ilə bağlı yazılı bəyanat yayaraq, bu addımın bölgədəki dost dövlətlərin ABŞ Prezidenti Donald Trampın müzakirə təklifinə cavab verilməsi ilə bağlı çağırışları nəzərə alınaraq atıldığını qeyd edib.

Qrenlandiya ilə bağlı mümkün razılaşmalar çərçivəsində Danimarka ilə ABŞ arasında aparıla biləcək danışıqlarda Kopenhagenin ən böyük üstünlüklərindən biri kimi göstərilən dərman sənayesinin real təsir gücü müzakirə mövzusuna çevrilib. Danimarka Statistika İdarəsinin məlumatına görə, bu kateqoriya üzrə ixracın ümumi həcmi 21,5 milyard Danimarka kronu (təxminən 2,8 milyard avro) olub.

ABŞ Ədliyyə Nazirliyinin ötən cümə günü Jeffrey Epşteyn işi ilə bağlı milyonlarla yeni sənədi ictimaiyyətə açıqlamasından sonra qalmaqallı iddialar beynəlxalq gündəmi silkələməkdə davam edir. Gizliliyi ləğv edilən materiallarda bir sıra nüfuzlu siyasətçilər, iş adamları və kral ailələrinin üzvləri ilə yanaşı, ABŞ Prezidenti Donald Trampın da adının keçməsi diqqət çəkib.