Bakı, AzerVoice
Beynəlxalq Atom Enerjisi Agentliyi (MAQATE) İranın nəzəri olaraq dörd nüvə bombası hazırlamaqdan iki kiloqram uzaqda olduğunu bəyan edib.
AzerVoice xəbər verir ki, MAQATE-nin üzv ölkələrə göndərdiyi iki məxfi hesabat göstərir ki, İranın nüvə yanacağı səviyyəsi son üç ayda artıb və onun 60 faiz saf zənginləşdirilmiş uran ehtiyatı 22,6 kiloqram artaraq 164,7 kiloqrama çatıb.
Qurumun hesablamalarına görə, bu miqdar, zənginləşdirmə dərəcəsinin artırılması halında dörd nüvə bombası hazırlamaq üçün nəzəri olaraq kifayət qədər miqdardan təxminən iki kiloqram azdır.
MAQATE-nin hesabatında deyilir ki, “İranda elan olunmamış yerlərdə tapılan uran izləri var və buna görə Tehran izahat verməlidir”.
