Bakı, AzerVoice
Amerika Birləşmiş Ştatlarında (ABŞ) fəaliyyət göstərən “New York Times” qəzetinin Avstraliya müxbiri Nataşa Frost ölkədə yəhudilərin qurduğu WhatsApp qrupunda edilən 900 səhifəlik söhbəti istifadə etdiyi brauzerə yükləyib və 2024-cü ilin ilk günlərində ictimaiyyətə yayıb.
AzerVoice xəbər verir ki, “New York Times” qəzetinin nümayəndələri, məsələ ilə bağlı araşdırma başladığını və Avstraliyadakı yəhudi icmasını hədəf göstərən müxbirin intizam cəzasına məruz qaldığını açıqlayıb.
Səlahiyyətli şəxslər hadisənin onların xəbəri olmadan baş verdiyini və Frostun qəzetdən belə bir hərəkət üçün razılıq almadığını deyib.
Wall Street Journal-a danışan müxbir Qəzzadakı mülki qətliama cavab olaraq istifadə etdiyi brauzerə 900 səhifəlik məzmun yüklədiyini, bu faylı bir şəxslə paylaşdığını və bu şəxsin onun icazəsi olmadan onlarla adamın şəxsi məlumatlarını ehtiva edən faylı Fələstin tərəfdarlarına yaydığını deyir.
"Məlumatların yayılması və ondan müxtəlif məqsədlər üçün istifadə edilməsi tamamilə mənim razılığım olmadan həyata keçirilib. Məni və bir çox başqa insanları dəhşətli risk altında qoyan bu hadisə qarşısında şok oldum. Peşamlıq duyuram", - deyə Frost bildirib.
Qeyd edək ki,New York Times müxbiri 2023-cü ilin noyabrında WhatsApp qrupuna qoşulmuşdu.
Dekabr ayına qədər qrupun bəzi üzvləri ABC Radio Sidney-də Sarah Macdonaldı əvəz edən Livan əsilli Avstraliyalı Antoinette Lattoufun işə götürülməsinə etiraz etdiyi görülür.
Qrupdakılar ABC-yə qarşı tədbir görülməsini və Macdonald-ın yerinə gələn şəxsin işdən çıxarılmasını tələb edirdilər.
Lattouf ABC-də yayımlanan verilişlərində İsrailin “aclıqdan müharibə strategiyası kimi istifadə etdiyini” iddia edirdi. Sonrakı dövrdə o işini itirdi.
Həmçinin, yanvarın 23-də New York Times qəzetində Lattoufun işdən çıxarılması ilə bağlı çıxan xəbərdə müxbir Nataşa Frostun imzası olub. Onun bu xəbərlə WhatsApp qrupundan ayrıldığı bilinir.
Frost da qrupdan ayrıldıqdan sonra 900 səhifəlik məzmun, yəhudilərə aid məlumatlar, telefon nömrələri internet saytlarında və Fələstin tərəfdarları arasında yayıldığı anlaşıldı.
“WhatsApp” qrupunda olanların adları, fotoşəkilləri, vəzifələri və ünvanlarının sitat gətirildiyi elektron cədvəl yaradılmışdı.
