BAKI,VOA,Yusif Şərifzadə
İsrailin Baş naziri Benyamin Netanyahu ABŞ Prezidenti Donald Trampla telefon danışığı zamanı ABŞ-ın Müstəqillik Gününün 250 illiyi münasibətilə onu təbrik edib və ABŞ-ı "qlobal azadlığın təminatçısı" adlandırıb.
VOA xəbər verir ki, Netanyahu ofisinin yaydığı məlumata görə, Baş nazir telefon danışığında ABŞ-ın 250 illik müstəqillik yubileyini qeyd edərək, bu ölkəni "qlobal azadlığın təminatçısı" kimi xarakterizə edib.
Bəyanatda Netanyahu İsrailin ABŞ ilə mövcud sıx münasibətlərə böyük önəm verdiyini də vurğulayıb.
Qeyd edək ki, ABŞ və İsrail daha əvvəl İrana qarşı birgə hərbi əməliyyat həyata keçiriblər. ABŞ-də fəaliyyət göstərən 100-dən çox beynəlxalq hüquq mütəxəssisi həmin əməliyyatın Birləşmiş Millətlər Təşkilatının Nizamnaməsini pozduğunu və bunun müharibə cinayəti kimi qiymətləndirilə biləcəyini bildirmişdi.