BAKI,VOA Orxan Qədirzadə

Pakistanın şimal-qərbində polis məntəqəsinə avtomobilə yerləşdirilmiş partlayıcı qurğu ilə hücum edilib.

VOA xəbər verir ki, hadisə Xeybər Paxtunxva əyalətinin Bannu bölgəsində baş verib. Hücum nəticəsində 15 təhlükəsizlik əməkdaşı həlak olub.

Polisin məlumatına görə, silahlılar əvvəlcə partlayıcı yüklü avtomobillə polis məntəqəsinə çırpılıblar, daha sonra binaya daxil olaraq atəş açıblar. Hadisə yerinə köməyə gələn hüquq-mühafizə qüvvələri də pusquya salınıb.

Hücumdan sonra ərazidə dağıntılar yaranıb, məntəqənin binası ciddi zərər görüb. Xilasetmə qrupları və təcili yardım briqadaları hadisə yerinə cəlb olunub, Bannu şəhərindəki dövlət xəstəxanalarında fövqəladə vəziyyət elan edilib.

Məlumata əsasən, hücuma görə məsuliyyəti “İttihad əl-Mücahidin” adlı silahlı qruplaşma üzərinə götürüb. Pakistan tərəfi son dövrlərdə sərhəd bölgələrində artan silahlı hücumlara görə Əfqanıstan ərazisindən fəaliyyət göstərən qruplaşmaları ittiham edir. “Taliban” isə bu iddiaları rədd edərək, Pakistandakı silahlı zorakılığı ölkənin daxili problemi adlandırır.