BAKI,VOA, Fərid Mİkayılov
CENTCOM İran qüvvələrinin ABŞ hərbi gəmisinə hücum etməsi ilə bağlı iddiaları təkzib edib.
VOA xəbər verir ki, qurumun açıqlamasında bildirilib ki, Hörmüz boğazında ABŞ Hərbi Dəniz Qüvvələrinə məxsus heç bir gəmi zərər görməyib.
Məlumata görə, İran dövlət mediası İslam İnqilabı Keşikçiləri Korpusunun ABŞ gəmisini iki raketlə vurduğunu iddia etmişdi. Lakin CENTCOM bu məlumatların həqiqəti əks etdirmədiyini vurğulayıb.
Eyni zamanda, İran tərəfi ABŞ və İsrailə məxsus hərbi gəmilərin Hörmüz boğazı ərazisindən keçməsinin qarşısının alındığını açıqlayıb. Fars xəbər agentliyi isə ABŞ gəmisinin xəbərdarlıqlara məhəl qoymadığı üçün hədəfə alındığını bildirib.
Qeyd edək ki, ABŞ prezidenti Donald Tramp daha əvvəl “Azadlıq” adlı əməliyyatın başladılacağını elan etmişdi. Bu əməliyyatın məqsədi ticarət gəmilərinin təhlükəsiz müşayiətini təmin etməkdir.