BAKI,VOA, Fərid Mikayılov
Avropa İttifaqında iqtisadi siyasət və tənzimləmələr ətrafında gərginlik artmaqdadır.
VOA xəbər verir ki, Fridrix Merts rəhbərlik etdiyi Xristian-Demokrat İttifaqı və Xristian-Sosial İttifaqı bloku Avropa Komissiyasının sədri Ursula von der Leyenə qarşı sərt tələblər irəli sürməyə hazırlaşır.
Məlumata görə, alman konservatorları Brüsselin biznes üzərində nəzarətinin azaldılmasını və Avropa İttifaqının bürokratik qaydalarının sadələşdirilməsini tələb edir. Əks halda, Avropa Komissiyasının səlahiyyətlərinin məhdudlaşdırılması istiqamətində addımların atılacağı bildirilir.
Qeyd olunur ki, bu təşəbbüs Almaniya biznesinə təsir edən Aİ qaydalarının yüngülləşdirilməsi məqsədi daşıyır.
Bundan əvvəl Fridrix Merts Avropa İttifaqının 2028–2034-cü illər üçün uzunmüddətli büdcəsinin formalaşdırılması zamanı borclanmanın artırılmasına qarşı çıxaraq xərclərin azaldılmasını təklif edib.
Eyni zamanda, Valdis Dombrovskis Aİ iqtisadiyyatının artım tempinin İranla bağlı münaqişənin təsirləri fonunda zəifləyə biləcəyini bildirib.