BAKI,AzerVoice, Fərid Mikayılov
Belarus prezidenti Aleksandr Lukaşenko ABŞ-ın Venesuelaya qarşı həyata keçirdiyi hərbi əməliyyatları qəti şəkildə pisləyib.
AzerVoice xəbər verir ki, bu barədə prezidentin mətbuat katibi Natalya Eysmont məlumat verib.
Eysmont bildirib ki, Lukaşenko ABŞ-ın hərbi təcavüz aktını qəbuledilməz hesab edir və bunun region üçün ciddi nəticələr doğura biləcəyini vurğulayıb.
O, daha əvvəl ABŞ nümayəndələrinə açıqlayıb ki, ABŞ və Venesuela arasında hipotetik konflikt “ikinci Vyetnam” kimi fəsadlarla nəticələnə bilər.
3 yanvar tarixində ABŞ qüvvələri Venesuelanın paytaxtı və digər bölgələrinə hava zərbələri endirib. Hadisələrdən sonra ABŞ Prezidenti Donald Tramp açıqlayıb ki, Venesuela lideri Nikolas Maduro və onun həyat yoldaşı Silia Flores ələ keçirilərək ABŞ-a aparılıb. Onların gələcək taleyi hələlik məlum deyil.