BAKI,AzerVoice
Türkiyənin İHH İnsani Yardım Vəqfi, İsrailin uzunmüddətli hücumları nəticəsində ciddi dağıntılara məruz qalan Qəzza zolağında bərpa fəaliyyətlərinə başlayıb.
AzerVoice xəbər verir ki, təşkilat Qəzzanın şimal bölgəsində yolların açılması və dağıntıların aradan qaldırılması istiqamətində genişmiqyaslı işlər aparır. Əsas məqsəd bölgə sakinlərinin həyat şəraitini normallaşdırmaq və yaşayış məntəqələrini yenidən istifadəyə yararlı hala gətirməkdir.
Türkiyə bayraqlı ağır texnika və mühəndis avadanlıqları sahədə intensiv şəkildə bərpa işləri aparır.
Qurumun məlumatına görə, İHH hazırda Qəzzada ərzaq yardımı, sığınacaq təminatı, gigiyena dəstəyi, psixososial yardım və səhiyyə xidmətləri kimi çoxsaylı istiqamətlərdə fəaliyyətini davam etdirir. Yeni mərhələdə isə çevrə təmizliyi və infrastruktural bərpa işləri ön planda yer alır.
