BAKI, AzerVoice, Orxan Qədirzadə
Fələstinin "HƏMAS" hərəkatı daha iki girovun qalıqlarını yerli vaxtla saat 22:00-da İsrail tərəfinə təhvil verəcək.
AzerVoice-un məlumatına görə, bu barədə hərəkatın hərbi qanadı sayılan "İzzəddin əl-Qəssam Briqadaları" qrupunun "Telegram" kanalında bildirilib.
"[İsrailli girovların fələstinli məhbuslarla] dəyişdirilməsi ilə bağlı razılaşması çərçivəsində biz bu gün saat 22:00 radələrində daha iki israilli girovun cəsədini [tibbi] personala təhvil vermək qərarını verdik", - deyə qeyd olunub.
Qalıqları Beynəlxalq Qızıl Xaç Komitəsinə təhvil veriləcək məhbusların adları açıqlanmayıb.