BAKI, AzerVoice
Meksikada krematoriumda (cəsəd yandırmaq üçün nəzərdə tutulan tikili) 400-ə yaxın cəsəd aşkarlanıb.
AzerVoice xəbər verir ki, Meksikanın
Syudad Xuares şəhərində təhlükəsizlik qüvvələri anonim məlumat
əsasında 6 dəfn evinə xidmət edən krematoriuma basqın edib və
oradan 383 cəsəd və qalıqlar aşkar ediblər.
Çihuahua əyalətinin prokuroru Sezar Jauregui Moreno cəsədlərin ən
az 3-4 il əvvələ aid olduğunu bildirib və krematoriumun fəaliyyət
göstərmədiyi halda belə böyük miqdarda cəsəd saxlamasının səbəbləri
araşdırılır.
Krematoriumun sahibi və bir işçisi həbs olunub. Ştat qubernatoru Maru Campos işçiləri "lisenziya və icazələrdən sui-istifadə edən məsuliyyətsiz və vicdansız insanlar" kimi qiymətləndirib.
Hadisə Meksikada geniş rezonans doğurub və səlahiyyətlilər əlavə araşdırmalara davam edir.