BAKI, AzerVoice
ABŞ Prezidenti Donald Tramp, Kanada ilə ticarət danışıqlarını dayandırdıqlarını və Ottava müəyyən vergiləri ləğv etməyincə bu danışıqların bərpa olunmayacağını bəyan edib.
AzerVoice xəbər verir ki, bu barədə Tramp "Fox News" telekanalına verdiyi müsahibədə danışıb.
“Bəli, onlar bəzi vergiləri ləğv etmədikcə, biz bu danışıqlara davam etməyəcəyik. İnsanlar anlamır ki, Kanada ilə iş görmək olduqca çətindir” -deyə, Tramp bildirib.
ABŞ Prezidenti həmçinin, Kanadanın ABŞ-ın 51-ci ştatına çevrilməsi ideyasını da təkrar gündəmə gətirib:
“Onlar bunu etməlidirlər, çünki Kanada tamamilə ABŞ-dan asılıdır, biz isə onlardan deyil”.
Xatırladaq ki, Tramp daha əvvəl də Ottavanın amerikalı texnologiya şirkətlərinə qarşı rəqəmsal vergi tətbiq etmək niyyəti səbəbilə Kanada ilə ticarət sazişi üzrə dialoqu davam etdirməkdən imtina etdiyini açıqlamışdı.