BAKI, AzerVoice
Nigeriyanın mərkəzində baş verən daşqın nəticəsində ölənlərin sayı 117-yə yüksəlib.
AzerVoice xəbər verir ki, bu barədə Reuters agentliyi Niger ştatının fövqəladə hallar xidməti rəhbəri İbrahim Hussainiyə istinadən məlumat yayıb.
İlkin məlumatlara görə, may ayının sonunda başlayan güclü leysan yağışları Mokva bölgəsində genişmiqyaslı daşqına səbəb olub. İbrahim Hussaini bildirib ki, zərərçəkənlər Mokva şəhərindəki mərkəzi oteldə müalicə alırlar.
Daşqın nəticəsində 50 ev sakinləri ilə birlikdə su altında qalıb.
Hazırda axtarış-xilasetmə əməliyyatları davam edir.