BAKI, AzerVoice
Avropa İttifaqı Rusiyanın neft donanmasına qarşı yeni sanksiyalar paketini təsdiqləyib.
AzerVoice xəbər verir ki, Aİ-yə üzv
ölkələr Rusiyaya qarşı 17-ci sanksiyalar paketini qəbul edib.
Bu paket çərçivəsində Rusiyanın neft ixracında istifadə etdiyi
200-ə yaxın tanker qara siyahıya salınacaq. Aİ-nin Xarici İşlər və
Təhlükəsizlik Siyasəti üzrə Ali Nümayəndəsi Kaja Kallas sosial
media hesabında bildirib ki, Brüsseldə keçirilən görüşdə hibrid
təhdidlərə qarşı yeni tədbirlər də müzakirə olunub.
Kallas həmçinin qeyd edib ki, Rusiya müharibəni uzatdığı təqdirdə
daha sərt cavablarla qarşılaşacaq. Yeni sanksiyalar çərçivəsində
Rusiyanın müdafiə sektoruna mal göndərən şəxslər və bəzi üçüncü
ölkə şirkətləri də hədəfdədir.
Qeyd edək ki, Aİ bu günə qədər Rusiyaya qarşı enerji, ticarət, maliyyə və texnologiya sahələrini əhatə edən 16 sanksiya paketi qəbul edib. Sanksiyalar Rusiya banklarının SWIFT sistemindən çıxarılmasını və bəzi yayım qurumlarının fəaliyyətinin dayandırılmasını da əhatə edir.