BAKI, AzerVoice
Pakistan təhlükəsizlik qüvvələri Əfqanıstanla sərhəddə yerləşən Şimalı Vəziristan bölgəsində keçirilən əməliyyat zamanı 54 terrorçunu zərərsizləşdirib.
AzerVoice xəbər verir ki, bu barədə Pakistan ordusunun bəyanatında deyilir.
Bildirilib ki, onların Pakistan "Taliban" Hərəkatının üzvləri olduğu müəyyən olunub.
"Bu şəxslər Pakistanda terror aktları törətmək üçün göndərilmişdilər" - deyə, bəyanatda qeyd olunub.
Pakistan hakimiyyəti hesab edir ki, Hindistan Pakistani antiterror əməliyyatlarından yayındırmağa çalışır.
Qeyd edək ki, Pakistanda silahlı hücumlar əsasən Əfqanıstanla sərhəddə yerləşən Xayber-Paxtunxva və Bəlucistan vilayətlərində baş verir.