Bakı, Azervoice
Çin "nüvə turizmi" layihəsi ilə insanlara atom elektrik stansiyalarının qapılarını açıb.
Azervoice xəbər verir ki, Çinin nüvə enerjisi istehsal edən ən böyük şirkəti China General Nuclear Power Corp. (CGN) turistlərin ölkədəki 9 atom stansiyasını ziyarət edə bilmələri üçün onlayn rezervasiya sistemi açıb.
Şirkət Wechat hesabından verdiyi açıqlamada turistlər üçün bələdçi xəritələri hazırlandığını bildirib.
Çərşənbə günü Fujan əyalətində Ning atom elektrik stansiyasında həyata keçirilən açılış tədbirində rəsmilər ziyarətçiləri CPR-1000 reaktorunu və yaxınlıqdakı ağ çay baxçalarını görməyə çağırıb.
CGN milli turizmə dəstək verməklə yanaşı bu layihənin radiasiya və təhlükəsizlik məsələlərində xalqı maarifləndirərək, onların atom elektrik stansiyalarına inamını artırdığını bildirib.
Çin 2060 -cı ilə qədər emissiya hədəflərinə çatmaq üçün nüvə enerjisi layihələrini genişləndirərək nüvə turizmi vasitəsiylə xalqın dəstəyini qazanmağı planlayır.
CGN-nin sözcüsü Quo Xinqan açılış tədbirindəki çıxışı zamanı nüvə turizmi layihəsinin xalqın maariflənməsi ilə yanaşı turizm sahəsindədə önəmli kəşf olduğunu vurğulayıb.
