Bakı. AzerVoice:
Fransanın cənubundakı Var əyalətində baş verən yanğın nəticəsində 600 hektar yaşıllıq sahəsi yanıb.
AzerVoice xəbər verir ki, Var yanğınsöndürmə briqadasının verdiyi açıqlamaya görə, yerli vaxtla saat 15:00 radələrində Vidauban qəsəbəsində yaşıl sahədə yanğın baş verib.
Yanğına müdaxilə etmək üçün hadisə yerinə 430 yanğınsöndürən, 3 təyyarə, 2 helikopter və 137 texnika göndərilib.
Hələlik nəzarət altına alınmayan yanğın indiyədək 600 hektar yaşıllıq sahəsini məhv edib. Can itkisi olmayıb.
Vidauban və Plan-de-la-Tur şəhərlərini birləşdirən yol nəqliyyat vasitələrinin hərəkətinə bağlanılıb.
Hər iki qəsəbənin müəyyən hissələrində yaşayan vətəndaşlar təxliyə edilib.
