Bakı. AzerVoice:

Avropa İttifaqı (Aİ) Birləşmiş Millətlər Təşkilatının Təhlükəsizlik Şurasında Co Baydenin Qəzza ilə bağlı atəşkəs təklifinə dəstək tələb edən qətnamə layihəsinin qəbul edilməsindən məmnun olduğunu bildirib.

AzerVoice xəbər verir ki, bu barədə Aİ-nin Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell tərəfindən Aİ adına açıqlama verilmişdir. Açıqlamada Bayden tərəfindən isrəli sürülən atəşkəs təklifinin BMT-da dəstəklənməsini tələb edən qətnamə layihəsinin qəbul edilməsindən məmnunluq duyulduğu bildirilib.

Bu qərarın dərhal həyata keçirilməsinə çağıran bəyanatda Baydenin planının tam dəstəkləndiyi qeyd edilib.

Bəyanatda vurğulanıb ki, Aİ iki dövlətli həllə əsaslanan qalıcı və davamlı sülhə doğru siyasi prosesin yenidən canlandırılmasına töhfə verməyə və Qəzzanın yenidən qurulması üçün koordinasiya edilmiş beynəlxalq səyləri dəstəkləməyə hazırdır.

Qeyd edək ki, bir neçə həftə öncə Bayden Ağ Evdəki çıxışında İsrailin üç mərhələdən ibarət yeni atəşkəs təklifi təqdim etdiyini bildimişdi. Bu təklifdə birinci mərhələdə altı həftəlik atəşkəs müddətində İsrailin Qəzzadakı yaşayış məntəqələrindən geri çəkilməsi və tərəflərin saxladığı girovların bir qismini azad etməsi nəzərdə tutulub.

Bayden, hərbi əməliyyatların daimi şəkildə dayandırılması prosesinə keçidlə bağlı danışıqların aparılacağı ikinci mərhələdə kişi əsgərlər də daxil olmaqla, qalan bütün canlı girovların azad ediləcəyini, İsrailin Qəzzadan (birinci mərhələdə) çəkiləcəyini, hərbi əməliyyatların daimi şəkildə dayandırılacağını bildirmişdi. İkinci mərhələdə tərəflər bütün mövzularda razılığa gəlib qalıcı atəşkəsə nail olacağı təqdirdə üçüncü mərhələyə start veriləcəyini əlavə etmişdi. Sonuncu mərhələdə isə Qəzzanın yenidən qurulması prosesi gündəmə gələcək və tərəflərin əlində qalan ölü girovlar təhvil veriləcəkdi.