Bakı. AzerVoice:

Çevik Dəstək Qüvvələrinin (The Rapid Support Forces - RSF) Sudanın müxtəlif bölgələrində həyata keçirdiyi hücumlarda 200 mülki vətəndaşın həyatını itirdiyi bildirilib.

AzerVoice xəbər verir ki, Sudanın Cəzirə əyalətinin qərbindəki Vad ən Nura kəndinə RSF tərəfindən həyata keçirlən hücumlar nəticəsində 200-ə yaxın dinc sakin həlak olub. Qeyd edək Birləşmiş Ərəb Əmirliklərinin dəstəklədiyi RSF-ya keçmiş milis lideri Hemidti ləqəbli Məhəmməd Damdan Dagalon rəhbərlik edir.

Regional mənbələr hücumları “soyqırım cəhdi” kimi qiymətləndirib.

Qeyd edək ki, RSF-dən verilən açıqlamada kənddə nizami orduya aid hərbi mərkəzlərin olduğu iddia edilib. Onlar bununla öz hücumlarına leqal don geyindirməyə çalışblar.

Müharibənin 15 aprel 2023-cü ildən davam etdiyi Sudanda dövlət qurumları demək olar ki, tamamilə sıradan çıxıb.

Artan münaqişələr aclığa və ərzaq böhranına səbəb olub. Ölkədə təqribən 17,7 milyon insan qida çatışmazlığı ilə üzləşib və beş milyon insan aclıq astanasındadır. Münaqişələrdə ən azı 15 min dinc sakinin öldüyü bildirilir.