Bakı. AzerVoice:
Pakistanda paytaxt İslamabadla yaxınlıqdakı Ravalpindi arasında hərəkət edən avtobus qəzası nəticəsində ən az 20 nəfər həyatını itirib, 21 nəfər xəsarət alıb.
AzerVoice xəbər verir ki, bu barədə Pakistan polisi açıqlayıb.
Məlumata əsasən, sürücü döngədə avtobusun idarəetməsini itirib və avtobus Hind çayı vadisinə düşüb.
Qeyd edək ki, Pakistanda avtomobil yollarının pis vəziyyəti, yol hərəkəti qaydalarına əməl edilməməsi və sürücülərin diqqətsizliyi səbəbindən yol qəzalarında ölüm halları qeydə alınır.
Ölkədə avtobuslar tez-tez maksimum həcmdə doldurulur və təhlükəsizlik kəməri taxma qaydasına əməl olunmur.
Xəbərlərimizi “WhatsApp” kanalımızdan oxuyun
