BAKI, AzerVoice
ABŞ Baş Prokuroru Pam Bondi Tesla dilerlərinə hücum edənlərə qarşı ciddi tədbirlər görüləcəyini bəyan edib.
AzerVoice xəbər verir ki, Bondi X platformasında
yayımladığı videomüraciətində martın 7-də Kolorado ştatında Tesla
dilerlərinə yanğın bombası atan Fredrik barəsində axtarış hökmünün
elan edildiyini bildirib.
O, hücumda ittiham olunan şəxsin 20 il həbs cəzası ilə üzləşdiyini
vurğulayıb.
Baş Prokuror bəyan edib ki, Tesla mülklərinə qarşı hər hansı hücuma qatılanlar tapılaraq həbs olunacaq və ciddi şəkildə cəzalandırılacaq. Bondinin bu xəbərdarlığı Tesla tərəfindən boykot aksiyalarına qatılmağı planlaşdıranlara qarşı təhdid kimi qiymətləndirilib.
Qeyd edək ki, Tesla dilerlərinə qarşı etirazlar və hücumlar son dövrlərdə artıb, hüquq-mühafizə orqanları isə bu cür hərəkətlərin təhlükəsizlik üçün ciddi risklər yaratdığını bildirir.