BAKI,AzerVoice

Kanada, ABŞ-a qarşı ikinci mərhələ rüsumlarını dayandırır.

AzerVoice xəbər verir ki, b qərar, ABŞ Prezidenti Donald Trampın bəzi rüsumları müvəqqəti olaraq dayandırdığını elan etməsindən sonra qəbul edilib.

Kanadanın maliyyə naziri Dominik Leblan Ottawa-nın ikinci mərhələ cavab rüsumlarını dayandıracağını açıqlayıb. Bu addım, Trampın Kanada və Meksika üçün bəzi yeni rüsumları dayandırmaq və kalium üzərində vergiləri 10%-ə endirmək barədə cümə axşamı fərman imzalamasından sonra atılıb.

Leblan sosial şəbəkələrdə paylaşdığı açıqlamada, Kanadanın aprelin 2-dək ABŞ məhsullarına qarşı planlaşdırılan 125 milyard dollar dəyərində cavab rüsumlarını tətbiq etməyəcəyini və Tramp administrasiyasının son tariflərini tamamilə ləğv etməyə çalışacağını bildirib.

Bu həftə, Tramp Kanada və Meksikadan idxal edilən mallara 25% tarif və Kanadanın enerji məhsullarına 10% rüsum tətbiq etmək qərarını həyata keçirdi.

Ottawa elə həmin gün ABŞ məhsullarına $30 milyard dəyərində cavab tarifləri tətbiq etdi. Kanadanın ikinci mərhələ rüsumları isə 21 gün sonra qüvvəyə minməli idi. Lakin bu qərarın dayandırıldığı elan edilib.