Bakı, AzerVoice

ABŞ Prezidenti Donald Tramp, TikTok-un bir Amerika şirkətinə satılmadığı təqdirdə ABŞ-da qadağan ediləcəyini və bu prosesi dayandıran 75 günlük müddətin uzadıla biləcəyini bildirib.

AzerVoice xəbər verir ki, o, bunun lazım olacağını düşünmədiyini qeyd edib.

Oval Ofisdə keçirilən imza mərasimində Tramp TikTok ilə bağlı son vəziyyəti qiymətləndirib.

O, TikTok-un qadağan edilməsinin tərəfdarı olmadığını, lakin tətbiqin ən azı 50%-nin ABŞ şirkətinə satılması şərtinin vacib olduğunu vurğulayıb.

"TikTok-u satmaq və ya bağlamaq hüququmuz var. Buna biz qərar verəcəyik. Çinin də təsdiqi lazımdır, amma əminəm ki, onlar da Çinə tarif tətbiq edəcəklər." - deyə o bildirib.

Tramp əlavə edib ki, TikTok ilə maraqlanan şirkətlərin sayı çoxdur və tezliklə razılaşmaya nail olunacağına ümid edir.

Qeyd edək ki, Tramp vəzifəsinin ilk günlərində TikTok-un ABŞ-da qadağan edilməsini nəzərdə tutan qanunun icrasını 75 gün müddətinə dayandıran sərəncam imzalamışdı. Bu müddət ərzində TikTok bir Amerika şirkətinə satılmazsa, tətbiqin ölkədə bloklanması planlaşdırılır.