Bakı,
AzerVoice
ABŞ-ın paytaxtı Vaşinqtonda Fələstin tərəfdarları Ağ Ev qarşısında
İsrailin baş naziri Binyamin Netanyahu ilə ABŞ prezidenti Donald
Trampın görüşünə etiraz ediblər.
AzerVoice xəbər verir ki, aksiya Tramp
və Netanyahu Oval kabinetdə görüşdüyü zaman təşkil edilib.
Etirazçılar Fələstin bayraqları dalğalandıraraq, "Azad Fələstin",
"Müharibə cinayətkarına ev sahibliyi etməyi dayandırın" və
"Soyqırıma son!" kimi şüarlar səsləndiriblər.
Nümayişə bir çox qeyri-hökumət təşkilatının nümayəndələri və yüzlərlə insan qatılıb. Etirazçılar Netanyahuya qarşı plakatlar qaldıraraq, onun Beynəlxalq Cinayət Məhkəməsi (ICC) tərəfindən həbs olunmasına çağırıblar.
Aksiyada xüsusilə Qəzzada baş verən humanitar böhran və hərbi əməliyyatlar nəticəsində dinc insanların həlak olması diqqət mərkəzində olub. Etirazçılar İsrailin hərbi addımlarına qarşı daha sərt beynəlxalq tədbirlərin görülməsini tələb ediblər.