Bakı, AzerVoice
Çin əhalisinin 2024-cü ildə 1,39 milyon nəfər azaldığı və
əvvəlki iki ildəki azalma tendensiyasının davam edəcəyi
bildirilib.
AzerVoice xəbər verir ki, Milli
Statistika Bürosunun (UIB) məlumatlarına görə, 2023-cü ildə 1
milyard 409 milyon 670 min olan Çin əhalisi 2024-cü ildə 1 milyard
408 milyon 280 min nəfərə enib.
Ölkə əhalisinin sayında 2022-ci ildən başlayan azalma tendensiyası 2023 və 2024-cü illərdə də davam edib. Çinin əhalisi 1960-cı illərin əvvəllərindəki aclıq illərindən bəri ilk dəfə 2022-ci ildə azalıb. 2022-ci il Çinin uzunmüddətli əhalisinin azalmasının başladığı il olub.
Doğum nisbəti keçən il milli rekordların 1949-cu ildə başlanmasından bəri ən aşağı səviyyəyə düşüb.
2016-cı ildən bəri əhalinin artım tempinin azaldığı Çində önümüzdəki illərdə əhalinin daha sürətlə azalacağı təxmin edilir.
Çin hökuməti 1980-ci illərdən bəri tətbiq edilən “bir uşaq” siyasətindən imtina edərək, ilk olaraq 2016-cı ildə uşaqsızlıq həddini ikiyə qaldırıb, sonra isə 2021-ci ildə ailələrə üç uşaq sahibi olmağa icazə verən qanun dəyişikliyini qəbul edib.
Ailələri uşaq sahibi olmağa təşviq edən siyasətlərə baxmayaraq, yeni nəsillər iqtisadi inkişafın yavaşlaması və yaşayış və uşaq böyütmə xərclərinin artması səbəbindən uşaq sahibi olmaqda tərəddüd edirlər.