Bakı. AzerPress :
İsrail-Fələstin münaqişəsinin həlli yolları düşünüldüyü kimi bəsit deyil, çünki burada bir çox dövlətlərin maraqları var.
AzerPress xəbər verir ki, bu sözləri Xəzər TV-yə açıqlamasında Trend BİA-nın baş direktorunun müavini, "Türk Dünyası" (Turkic.World) media platformasının rəhbəri Rufiz Hafizoğlu deyib.
Ekspert onu da vurğulayıb ki, hətta bu məsələ ilə bağlı Ərəb ölkələrinin ayrı-ayrı mövqeləri var.
“Belə ki, burada Birləşmiş Ərəb Əmirlikləri və Misirin ayrı, İordaniyanın ayrı, Səudiyyə Ərəbistanının, Əlcəzairin tamam fərqli mövqeləri var”, - deyə R.Hafizoğlu bildirib.
R.Hafizoğlu onu da vurğulayıb ki, HƏMAS-ın tərksilah edilməsi, liderlərinin sıradan çıxarılması təşkilatın məhvinə gətirib çıxarmayacaq.
“HƏMAS bu əməliyyatlara iki il öncədən hazırlaşdığını qeyd etdi və münaqişə tez bir zamanda həll olmayacaq ”, - deyə o bildirib.