Bakı, AzerVoice
HƏMAS Misirə Qəzzada atəşkəs razılaşmasının birinci mərhələsində azad ediləcək məhbusların siyahısını təqdim edib.
AzerVoice xəbər verir ki, Qətərdə yerləşən Əl Ərəbi telekanalının Həmas rəsmilərinə əsaslanan xəbərinə görə, HƏMAS və İsrail arasında atəşkəs danışıqlarında irəliləyiş əldə olunub.
Atəşkəs razılaşmasının birinci mərhələsində İsrailin hansı nöqtə və yerlərdən çıxacağı ilə bağlı razılıq əldə olunub.
Xəbərə görə, ilk mərhələdə İsrail Rəfah Sərhəd Qapısı və Qəzza zolağı ilə Misir arasındakı sərhəd xətti olan Filadelfi dəhlizinin bəzi yerlərindən geri çəkiləcək.
Atəşkəsdən bir həftə keçdikdən sonra məhbusların azad ediləcəyi və İsrailin razılaşdırılmış ərazilərdən çıxacağı planlaşdırılır.
Razılaşmanın birinci mərhələsində azad ediləcək məhbusların siyahısını alan Misir rəsmiləri iki gün ərzində onu İsrailə göndərəcək və İsrail heyəti ilə digər geri çəkilmə məqamlarını müzakirə edəcək.