Paytaxt Beyrutda raket və digər hərbi silahların qanunsuz dövriyyəsi və daşınması ittihamı ilə dörd nəfər barəsində məhkəmə prosesi başlayıb. "Şərq əl-Avsat" qəzetinin yaydığı məlumata görə, hərbi müstəntiq Qada Əbu Əlvan tərəfindən dindirilən iki "Hizbullah" üzvü barəsində həbs qərarı çıxarılıb. Sözügedən şəxslər iki həftə əvvəl Cəbəl-Livan bölgəsinin Kəfrahuna kəndində Bəqaa vadisindən ölkənin cənubuna 21 ədəd raket daşıyarkən saxlanılıblar.

Qətərin dövlət neft-qaz şirkəti "QatarEnergy", ABŞ və İsrailin İrana qarşı başlatdığı hərbi əməliyyatlar nəticəsində yaranan istehsal və tədarük fasilələri səbəbindən İtaliya, Belçika, Cənubi Koreya və Çin daxil olmaqla bir neçə ölkə ilə olan uzunmüddətli LNG müqavilələri üzrə "force majeure" (fors-major) vəziyyəti elan edib.

İsraildə qalmağa davam edən Çin vətəndaşlarına aeroportlar, dəniz limanları, elektrik stansiyaları, neft emalı zavodları, eləcə də digər mühüm infrastruktur obyektləri və hərbi zonalardan uzaq durmaq tövsiyə olunub. Qeyd edək ki, Çin rəhbərliyi daha əvvəl İrandakı vətəndaşlarına da bənzər çağırış edərək ölkəni tərk etmələrini istəmişdi. İndiyədək İsraildəki Çin vətəndaşlarına yalnız yüksək riskli zonalardan qaçmaq tövsiyə olunsa da, hücumların intensivləşməsi bu qərarın sərtləşdirilməsinə səbəb olub.

İsrailin maliyyə naziri Bezalel Smotriç ölkəsinin şimal sərhədlərinin genişləndirilməsi və Livanın cənub ərazilərinin faktiki ilhaq edilməsi barədə kəskin bəyanatla çıxış edib. Nazir İsrailin təhlükəsizliyini təmin etmək üçün Litani çayının yeni sərhəd xətti olmalı olduğunu bildirib.

Livan Prezidenti Cozef Aun ölkəsinin üzləşdiyi dağıdıcı hərbi münaqişə və regional gərginliklə bağlı strateji bəyanatla çıxış edib. Prezidentin bəyanatında rəsmi Beyrutun həm İsrailə, həm də ölkə daxilindəki hərbi amillərə yönəlmiş üç əsas mesajı yer alıb.

Livan, İranın Beyrut şəhərinə təyin etdiyi səfiri “arzuolunmaz şəxs” elan edərək, 29 Mart tarixinə qədər ölkədən çıxmasını tələb edib. Açıqlamada qeyd olunur ki, Şeybaninin akkreditasiya sənədləri ləğv edilib, “arzuolunmaz şəxs” statusu verilib və ölkə ərazisini tərk etməsi üçün ona 29 Mart tarixinə qədər vaxt verilib.

İsrail ordusunun ərəbdilli xidmətinin sözçüsü tərəfindən yayılan bəyanatda bildirilir ki, "Hizbullah"ın fəaliyyəti səbəbindən bu bölgələrdə genişmiqyaslı hərbi əməliyyatlar qaçılmazdır. Əhalidən vaxt itirmədən aşağıdakı istiqamətdə hərəkət etmək tələb olunur:

Qətər Xarici İşlər Nazirliyinin rəsmi nümayəndəsi Məcid əl-Ənsari ölkəsinin regionda davam edən müharibə ilə bağlı rəsmi mövqeyini açıqlayıb. O, Qətərin hər zaman münaqişələrin dialoq yolu ilə həllinin tərəfdarı olduğunu, lakin hazırda diqqəti yalnız öz suverenliyinin qorunmasına yönəltdiyini bildirib.

Səudiyyə Ərəbistanının Müdafiə Nazirliyi ölkə ərazisini hədəf alan 39 İran pilotsuz uçuş aparatının məhv edildiyini açıqlayıb. Rəsmi açıqlamada qeyd olunub ki, pilotsuz aparatların ölkə ərazisinə çatmasının qarşısı alınıb və təhlükəsizlik tədbirləri gücləndirilib.

Bəhreyn Daxili İşlər Nazirliyi İrandan təşkil edilən pilotsuz uçuş aparatı (PUA) hücumu nəticəsində bir şirkətə məxsus obyektdə yanğın baş verdiyini açıqlayıb. Nazirlikdən edilən yazılı bəyanatda mülki müdafiə qruplarının dərhal hadisə yerinə cəlb olunduğu, yanğının nəzarətə alınaraq söndürüldü bildirilib. PUA hücumunun hansı şəhərdə baş verdiyi və hadisənin digər təfərrüatları barədə hələlik rəsmi məlumat paylaşılmayıb.

Çərşənbə axşamı günü səhər saatlarında təhlükəsizlik və səhiyyə mənbələrinin "Reuters" agentliyinə verdiyi məlumata görə, İraqın qərbindəki Ənbar vilayətində şiə "Həşdi-Şabi" (Xalq Səfərbərlik Qüvvələri - PMF) qüvvələrinə məxsus obyektə endirilən hava zərbələri nəticəsində azı 14 döyüşçü həlak olub, 30 nəfər isə yaralanıb. Həlak olanlar arasında qruplaşmanın Ənbar üzrə əməliyyat komandiri də var.

Suriya ordusu bazar ertəsi günü ölkənin şimal-şərqindəki hərbi bazalarından birinin qonşu İraq ərazisindən raket atəşinə tutulduğunu açıqlayıb. İraq rəsmiləri isə hücumun arxasında yerli silahlı qruplaşmanın dayandığını bildiriblər. Suriya ordusunun bəyanatında qeyd olunur ki, Haseke əyalətinin Əl-Yarubiya qəsəbəsi yaxınlığındakı hərbi baza raket zərbələrinə məruz qalıb. Adının açıqlanmasını istəməyən İraq rəsmisi isə bildirib ki, yerli qruplaşmalardan biri Haseke bölgəsindəki bazaya doğru "Qrad" raketinin təkmilləşdirilmiş versiyası olan yeddi ədəd "Arash-4" raketi atıb.