Səudiyyə Ərəbistanının İqtisadiyyat və İnkişaf Məsələləri Şurası videokonfrans formatında iclas keçirərək ölkənin iqtisadi vəziyyəti, "Vizyon 2030" proqramının icrası və bir sıra strateji istiqamətlər üzrə hesabatları müzakirə edib. İclas zamanı İqtisadiyyat və Planlaşdırma Nazirliyinin aylıq hesabatı təqdim olunub. Hesabatda qlobal iqtisadiyyatda baş verən son dəyişikliklər, iqtisadi artım perspektivləri, regional proseslərin milli iqtisadiyyata mümkün təsirləri, həmçinin Səudiyyə Ərəbistanının regionun aparıcı iqtisadi və logistika mərkəzi kimi mövqeyini gücləndirən imkanlar qiymətləndirilib.

Küveyt, İordaniya, Qətər, Misir və Birləşmiş Ərəb Əmirlikləri İranın son hərbi əməliyyatlarını kəskin şəkildə pisləyərək onları regional sabitliyə ciddi təhdid adlandırıblar. Küveyt Xarici İşlər Nazirliyinin yaydığı bəyanatda bildirilib ki, İranın hərbi əməliyyatları bölgədə gərginliyin azaldılmasına yönəlmiş regional və beynəlxalq səylərə zərbə vurur. Rəsmi Küveyt ölkənin təhlükəsizliyi, suverenliyi, vətəndaşlarının və sakinlərinin təhlükəsizliyinin "qırmızı xətt" olduğunu vurğulayıb.

Suriya Prezidenti Əhməd əş-Şəra Ali Konstitusiya Məhkəməsinin sədri və üzvlərinin təyin edilməsi haqqında fərman imzalayıb. Məhkəmənin üzvləri vəzifəsinə Xeyrullah Nədim Qannum, Məhəmməd Mustafa Səbia, İman Antuan Nuri, İsmayıl Həmadi əl-Xalfan, Rəyyan Həsən Kəhilan və Arif Əhməd əş-Şaal təyin ediliblər.

Səudiyyə Ərəbistanı xarici birbaşa investisiyaların cəlb edilməsi sahəsində qlobal reytinqdə 13-cü yerə yüksəlib. BMT-nin Ticarət və İnkişaf Konfransının hesabatına görə, Krallıq 2025-ci ildə 33 milyard ABŞ dolları həcmində xarici investisiya cəlb edib. Bu, əvvəlki illə müqayisədə 51,14 faizlik artım deməkdir. Artım “Vizyon 2030” proqramı çərçivəsində iqtisadiyyatın şaxələndirilməsi siyasətinin nəticəsi kimi qiymətləndirilir. Səudiyyə Ərəbistanı 2030-cu ilədək illik xarici investisiya həcmini 100 milyard dollara çatdırmağı hədəfləyir. Eyni zamanda, BƏƏ və Qətər də regionda xarici kapital cəlbində irəliləyiş nümayiş etdirib. Qlobal xarici investisiya axını isə 2025-ci ildə 1,62 trilyon dollara yüksəlib.

Qətər Xarici İşlər Nazirliyinin nümayəndəsi NATO Zirvə Toplantısı çərçivəsində alyans rəsmiləri və Türkiyə Prezidentinin müşavirləri ilə görüş keçirib. Görüşdə Qətərin dövlət naziri Məhəmməd bin Əbdüləziz bin Saleh əl-Xüleyfi iştirak edib. Tərəflər əməkdaşlıq əlaqələrini və regiondakı son prosesləri müzakirə ediblər. Doha Xarici İşlər Nazirliyi görüşün Ankarada baş tutduğunu açıqlayıb. Müzakirələrdə regional vəziyyət və təhlükəsizlik məsələləri də diqqət mərkəzində olub. Qətər son illərdə vasitəçilik və diplomatik təşəbbüslərdə fəal rol oynayır. Görüş Doha ilə NATO və Türkiyə arasında siyasi təmasların davam etdiyini göstərir.

BƏƏ iqtisadiyyatının əsas hərəkətverici qüvvəsi olan iri şirkətlər qlobal bazarda mühüm mövqeyə malikdir. Enerji, aviasiya, logistika, bankçılıq, telekommunikasiya və daşınmaz əmlak sektorlarında fəaliyyət göstərən bu korporasiyalar ölkənin iqtisadi inkişafını sürətləndirir. Siyahıda ADNOC, Emirates Group, DP World və Emaar Properties kimi dünya miqyasında tanınan şirkətlər yer alır. Maliyyə sektorunda First Abu Dhabi Bank və Emirates NBD, texnologiya sahəsində isə Etisalat by e& ön sıralardadır. DEWA enerji və su təchizatında, Aldar Properties tikinti sektorunda, Emirates Global Aluminium isə sənaye istehsalında aparıcı mövqeyə malikdir. Bu şirkətlər həm investorlar, həm də beynəlxalq mütəxəssislər üçün cəlbedici imkanlar yaradır. Onların fəaliyyəti BƏƏ-ni dünyanın ən dinamik iqtisadiyyatlarından birinə çevirən əsas amillərdən hesab olunur.

Suriyanın paytaxtı Dəməşqdə Fransa Prezidenti Emmanuel Makronun qaldığı otelin yaxınlığında partlayış baş verib. İlkin məlumata görə, partlayış Makronun yerləşdiyi otelin ətrafında qeydə alınıb. Hadisənin səbəbi, mümkün itkilər və dağıntılar barədə hələlik rəsmi məlumat açıqlanmayıb.

Birləşmiş Ərəb Əmirlikləri Suriyanın paytaxtı Dəməşqdə bir kafedə törədilən, çoxlu sayda insanın ölümünə və yaralanmasına səbəb olan terror partlayışını ən kəskin şəkildə pisləyib. Xarici İşlər Nazirliyinin (XİN) bəyanatında BƏƏ-nin bu terror aktlarını qətiyyətlə pislədiyi, təhlükəsizlik və sabitliyi pozmağa yönəlmiş zorakılıq və terrorizmin bütün formalarını birmənalı şəkildə rədd etdiyi bir daha təsdiqlənib.

İraq hökuməti korrupsiya araşdırmaları çərçivəsində həbs siyahısına salınan bəzi şəxslərə güzəşt edilməsi barədə İranın müraciətlərini rədd edib. İki rəsmi mənbənin verdiyi məlumata görə, Bağdad rəsmi Tehrana xəbərdarlıq edərək, Bağdadda mütəmadi olaraq gizli görüşlər keçirən İran rəsmilərinin səfərlərinin yalnız rəsmi diplomatik kanallarla nizamlanmasını tələb edib.

Fransa Prezidenti Emmanuel Makron və onu müşayiət edən nümayəndə heyəti bu gün – iyulun 6-da Suriyaya rəsmi səfərə gəlib.

Ankarada keçiriləcək NATO-nun 36-cı Zirvə Toplantısı çərçivəsində Türkiyə Prezidenti Rəcəb Tayyib Ərdoğan ilə ABŞ Prezidenti Donald Tramp arasında gözlənilən görüş alyansın gələcəyi və regional təhlükəsizlik baxımından ən mühüm hadisələrdən biri hesab olunur. Görüşdə ikitərəfli münasibətlərdən tutmuş Ukrayna müharibəsi, İran məsələsi və müdafiə sənayesi əməkdaşlığına qədər bir sıra strateji mövzuların müzakirə ediləcəyi gözlənilir.

Səudiyyə Ərəbistanının “Vizyon 2030” proqramı çərçivəsində rəqəmsal iqtisadiyyata keçidi görünməmiş sürətlə davam edir. Süni intellektin (AI) tətbiqi, bulud texnologiyaları və rəqəmsal dövlət xidmətləri ölkəni qlobal innovasiya mərkəzinə çevirir. Lakin bu sürətli inkişaf kibertəhlükəsizlik anlayışını da kökündən dəyişir. Məşhur texnologiya nəhəngi “HP” şirkətinin rəyinə görə, müasir dövrdə rəqəmsal dözümlülük (cyber resilience) artıq sadəcə texniki funksiya deyil, rəhbər şəxslərin idarəetmə intizamına çevrilməlidir.