BAKI,VOA Yusif Şərifzadə
Birləşmiş Ərəb Əmirliklərinin sənaye və qabaqcıl texnologiyalar naziri Sultan Əhməd Əl-Cabirin dünən “Barakah” nüvə elektrik stansiyasına edilən dron hücumunu qətiyyətlə pisləyib.
VOA xəbər verir ki, Sultan Əhməd Əl-Cabir həmçinin ADNOC şirkətinin baş icraçı direktoru olaraq sosial şəbəkədə paylaşdığı açıqlamada bildirib ki, bu hücum terror xarakterlidir.
O qeyd edib: “Barakah”ın hədəfə alınması ən yüksək təhlükəsizlik standartları əsasında qurulmuş, BƏƏ üzrə evləri, xəstəxanaları və sənaye müəssisələrini enerji ilə təmin edən dinc layihəyə qarşı terror hücumudur.”
BƏƏ tərəfi məlumat verib ki, pilotsuz uçuş aparatları ölkənin hava məkanına “qərb sərhədindən” daxil olub. Hücumun dəqiq mənbəyini müəyyənləşdirmək məqsədilə araşdırmalar davam edir.