BAKI,VOA
Birləşmiş Ərəb Əmirlikləri Küveytin şimal sərhədində yerləşən postlara qarşı həyata keçirilən pilotsuz uçuş aparatları hücumunu kəskin şəkildə qınayıb.
VOA xəbər verir ki, rəsmi bəyanata əsasən, İraq ərazisindən buraxıldığı bildirilən, partlayıcı maddələrlə yüklənmiş iki pilotsuz uçuş aparatı sərhəd postlarını hədəfə alıb. Hadisə nəticəsində maddi ziyan qeydə alınıb.
Birləşmiş Ərəb Əmirliklərinin Xarici İşlər Nazirliyi tərəfindən yayılan açıqlamada bu hücumun Küveyt dövlətinin suverenliyinə açıq təhdid olduğu vurğulanıb. Bildirilib ki, bu cür addımlar regionda təhlükəsizlik və sabitliyi sarsıdır.
BƏƏ tərəfi Küveytlə tam həmrəylik nümayiş etdirdiyini bəyan edərək, ölkənin təhlükəsizliyinin qorunmasına yönəlmiş bütün tədbirləri dəstəklədiyini qeyd edib.