BAKI,VOA, Nailə Babazadə

İsrail ordusunun Livanda avtomobil və motosikletləri hədəf alan hücumları nəticəsində 3 nəfər həyatını itirib.

VOA xəbər verir ki, Livanın rəsmi NNA agentliyinin məlumatına görə, İsrail ordusu səhər saatlarından etibarən ölkənin cənubundakı onlarla qəsəbə və kəndi intensiv atəşə tutub.

Hücumlar zamanı ölkənin şərqindəki Dahr Baydar yolu üzərində bir avtomobilin pilotsuz uçuş aparatı (PUA) ilə vurulması nəticəsində 1 nəfər ölüb. Qasimiye və Habbuş-Nebatiye yollarında hərəkətdə olan motosikletlərin hədəf alınması nəticəsində daha 2 nəfər dünyasını dəyişib. Bundan əlavə, Qasimiye bölgəsində bir emalatxanaya təşkil edilən hava zərbəsi nəticəsində 15 suriyalı işçi yaralanıb.

Livan Səhiyyə Nazirliyi martın 2-dən bəri davam edən İsrail hücumlarında ümumilikdə 2 min 167 nəfərin öldüyünü, hökumət isə didərgin düşən insanların sayının 1 milyon 162 mini keçdiyini bildirib. İsrail ordusu Livanın şimalından gələn raket hücumlarına cavab olaraq hava, dəniz və quru əməliyyatlarını genişləndirməyə davam edir.