BAKI, AzerVoice

İsrailin iyunun 13-də həyata keçirdiyi hücumlar nəticəsində İran İslam İnqilabı Keşikçiləri Korpusunun (SEPAH) Elit Hava-Kosmik Qüvvələrindən yeddi yüksək rütbəli zabit həlak olub.

AzerVoice xəbər verir ki, bu barədə məlumat SEPAH-ın mətbuat xidmətinin verdiyi bəyanatda yer alıb.

Sənəddə, İsrail tərəfindən həyata keçirilmiş hücumlar nəticəsində həlak olan yeddi komandirin adları açıqlanıb.

Xatırladaq ki, İsral Hərbi Hava Qüvvələri iyunun 13-də İran ərazisinə hava zərbələri endiriblər. Zərbələr nəticəsində çoxlu sayda yüksək səviyyəli hərbçi, o cümlədən İran Silahlı Qüvvələri Baş Qərargah rəisi Məhəmməd Baqeri, İran İslam İnqilabı Keşikçilər Korpusu (SEPAH) baş komandanı Hüseyn Salami, Xatəm Əl-Ənbiya Qərargahının komandanı Qulaməli Rəşid, 6 nüvə alimi və yüksək vəzifəli şəxslər ölüb. İran BMT Təhlükəsizlik Şurasının hadisə ilə əlaqədar fövqəladə iclas keçirməsini istəyib.

Bu hücumlara cavab olaraq isə İran Ordusu İsrailə qarşı "Doğru vəd 3" adlı əməliyyat keçirib. Təl-Əviv, Qüds və digər bölgələrə yüzlərlə ballistik raket buraxılıb.