Bakı. AzerPress:
Türk ordusu İraqın şimalında hava əməliyyatı keçirib.
AzerPress-in məlumatına görə, bu barədə Türkiyə Milli Müdafiə Nazirliyi bildirib.
Nazirlik İraqın şimalındakı Metina, Qara, Hakurk və Asos bölgələrində 16 hədəfin hava əməliyyatları ilə məhv edildiyini və çox sayda terrorçunun zərərsizləşdirildiyini açıqlayıb.
“PKK və digər terror ünsürlərini zərərsizləşdirərək İraqın şimalından xalqımıza və təhlükəsizlik qüvvələrimizə qarşı terror hücumlarını aradan qaldırmaq və sərhəd təhlükəsizliyimizi təmin etmək üçün Birləşmiş Millətlər Təşkilatı Nizamnaməsinin 51-ci maddəsindən irəli gələn özünümüdafiə hüquqlarımıza uyğun olaraq, MİT ilə koordinasiyalı şəkildə 29 dekabr 2023-cü il saat 17.30-da İraqın şimalında yerləşən Metina, Qara, Hakurk və Asos bölgələrində terrorçu hədəflərə qarşı hava əməliyyatları həyata keçirilib.” – deyə açıqlamada qeyd olunub.
Həyata keçirilən əməliyyatlarda yerli və milli sursatdan istifadə edilib.
“Əməliyyat zamanı mülki şəxslərə, müttəfiq qüvvələrə, tarixi, mədəni sərvətlərə və ətraf mühitə zərər vurmamaq üçün hər cür tədbir görülüb” – deyə nazirlik bildirib.
Hafiz Rufizoğlu
Xəbərlərimizi “WhatsApp” kanalımızdan oxuyun
