Bakı, AzerVoice
Biz HƏMAS-ın Siyasi Bürosunun rəhbəri İsmayıl Haniyənin Tehranda iyrənc sui-qəsd nəticəsində öldürülməsini pisləyirik.
AzerVoice xəbər verir ki, bu haqda Türkiyə XİN-nin verdiyi açıqlamada deyilir.
"Biz HƏMAS-ın Siyasi Bürosunun rəhbəri İsmayıl Haniyənin Tehranda iyrənc sui-qəsd nəticəsində öldürülməsini pisləyirik. Öz vətənində, öz dövlətinin himayəsi altında sülh içində yaşaya bilmək üçün Haniyə kimi yüz minlərlə şəhid verən Fələstin xalqına başsağlığı veririk. Netanyahu hökumətinin sülhə nail olmaq niyyətində olmadığı bir daha üzə çıxmışdır. Bu hücum həm də Qəzzadakı müharibəni regional miqyasda yaymaq məqsədi daşıyır. Beynəlxalq ictimaiyyət İsraili dayandırmaq üçün hərəkətə keçməyəcəyi təqdirdə, regionumuz daha böyük münaqişələrlə qarşı-qarşıya qalacaqdır. Türkiyə Fələstin xalqının haqqlı mübarizəsini dəstəkləməyə davam edəcəkdir.",- açıqlamada deyilir.
Qeyd edək ki, bu bün HƏMAS siyasi bürosunun lideri İsmayıl Haniyə Tehranda raket zərbəsi nəticəsində öldürülüb.
HƏMAS lideri Sami Əbu Zühri İsmayıl Haniyyənin Tehranda öldürülməsinin mübarizyə təsir etməyəcəyini bildirib.
"HƏMAS Qüdsün azadlığı uğrunda açıq müharibə aparır və müxtəlif bədəllər ödəməyə hazırdır. HƏMAS elə bir qurum və ideologiyadır ki, onun liderlərindən heç birinin öldürülməsindən təsirlənməyəcək."- deyə o bildirib.
İslami Cihad Hərəkatının baş katibinin müavini Məhəmməd əl-Hind, Haniyənin qətlini Fələstin xalqı üçün böyük itki adlandırıb.
"HƏMAS hər hansı bir boşluğu birbaşa dolduracaq böyük bir hərəkatdır, Haniyənin gənc yaşlarından şahidi olduğu kimi.”-deyə o bildirib.
HƏMAS Siyasi Bürosunun Üzvü Musa Əbu Merzuk Haniyənin qətlininin nəticəsiz qalmayacağını deyib.
