Bakı, AzerVoice

Moody's Türkiyənin kredit reytinqini "B3"dən "B1"ə yüksəldib və kredit reytinqinin proqnozunu "müsbət" olaraq saxlayıb.

AzerVoice xəbər verir ki, kredit reytinq agentliyinin verdiyi açıqlamada kredit reytinqinin B1 səviyyəsinə yüksəldilməsinin əsas səbəbinin rəhbərlikdəki irəlləyişlər, xüsusilə ortodoksal (əsas) pul siyasətinə qətiyyətli və getdikcə daha çox köklənmiş qayıdış olduğu bildirilib.

Açıqlamada bunun Türkiyənin əsas makroiqtisadi göstəricilərindəki qeyr-tarazlığın azaldılması baxımından ilk gözlə görünən nəticələri verdiyi qeyd edilərək, “İnflyasiyanın və daxili tələbin tədricən canlanmağa başlaması bizə inflyasiya təzyiqlərinin önümüzdəki aylarda və 2025-ci ilə doğru əhəmiyyətli dərəcədə azalacağına daha çox əminlik verir" -deyə əlavə edilib.

Açıqlamada Türkiyə Cümhuriyyəti Mərkəzi Bankının (TCMB) pul siyasətinin etibarlılığını sürətlə artırdığı və bunun türk lirəsinə inamın bərpasına kömək etdiyi bildirilib.

Bundan əlavə, bəyanatda sərt iqtisadi siyasət mövqeyinin Türkiyənin yüksək xarici kövrəkliyini əhəmiyyətli dərəcədə azaltdığı, müsbət proqnozun isə yüksələn risk balansını əks etdirdiyi bildirilib.

Qeyd edək ki, Moody's-nin bu açıqlamasına Türkiyənin Maliyyə Naziri Mehmet Şimşek də münasibət bildirib. O "Moody's kredit reytinqimizi ilk dəfə iki pillə qaldırdı. Həyata keçirdiyimiz proqram sayəsində Moody's 11 ildən sonra ölkəmizin kredit reytinqini artırdı və proqnozu müsbət saxladı",-deyə qeyd edib.

“Reytinqin yüksəlməsində iqtisadiyyatda tarazlığın yaranması, xarici maliyyə ehtiyaclarının azalması, beynəlxalq ehtiyatların artması və dezinflyasiya prosesi təsirli olub. Müsbət proqnozun saxlanması proqramımıza olan inamı əks etdirir və potensial reytinq artımlarına işarə edir. İqtisadiyyatımızın dayanıqlığını artıran qaydalara əsaslanan və proqnozlaşdırıla bilən siyasətlərimizi qətiyyətlə həyata keçirməyə davam edəcəyik."- deyə Şimşək əlavə edib.